雲長小龍坎老火鍋 (Closed)

話說昨晚同好朋友去咗呢度打邊邊慶祝生日，兩個人，一入到去氣氛超好，好熱鬧，服務員都非常好態度，好快趣就嚟咗個湯底，我哋一人一半一個馬勒一個番茄🍅真係好食到爆炸，今日仲回味緊。足料清甜，飲清晒。超級推介！👍👍👍👍👍超邪惡嘅海鮮的確好邪惡，不過真係好香好好味。鮑魚太大隻，肥牛都超好味，最估唔到係個魚皮餃，諗住一般般嘅魚皮餃點知佢同平時嘅好唔同，回味指數爆燈😋😋😋😋😋爽滑、流沙黑松露雲吞正爆、白蜆、牛肉，全部好新鮮好正！地點方便，諾士佛台行過多少少，坐得舒服，中國風裝修、睇返出邊啲相原來勁多名人都黎過，好多服務員幫手，所以成日都有人叫：“唔該” “唔該"。仲好快手過到嚟，服務一流！近年食過覺得好正嘅邊邊，一定要再去！