秋拾米線

Open Now

Now Closed

一段時間冇黎呢度食米線，今日又突然掛住佢個味道，就一於今晚去食，好在我哋算早去，仲有二人位，平時係大排長龍。呢度米線有多選擇之外，連小食種類都幾多。招牌魚腐米線+酸齋佢啲魚腐係用上自家製新鮮魚肉去整，入口彈牙，最緊要唔會食到有少少魚骨，酸齋正常，米線可以揀爽啲或者淋啲；米線嘅配料仲有豆卜、腐皮、芽菜、韭菜，湯底好鮮甜。自選配搭米線揀左牛丸同墨魚春卷，牛丸爽口juicy，墨魚春卷食到有一粒粒的墨魚肉，幾有彈性。紅油伴皮蛋個紅油好夠香辣炭燒原塊豬頸肉燒得好香，邊邊燒到有啲脆身，肥瘦比例剛剛好，點埋個惹味泰式辣醬食，呢個小食大推。特色檸檬益力多天氣仲係好熱，飲呢個真係幾refresh。檸檬蜂蜜柚子茶好潤喉，呢啲配搭一定好飲。