Video
Telephone
34888021
Opening Hours
Today
12:00 - 21:30
Mon - Sun
12:00 - 21:30
*Last Order:21:00
Above information is for reference only. Please check details with the restaurant.
新蒲崗有各種美食，豐儉由人，但我覺得係要食#豆花撈米線 。多年前呢度有間雲南米線，試過肉碎好香，適合配豆花，不過太油太鹹，轉手之後都有豆花撈米線，但經過親都休息，今次終於有機會。呢度QR CODE落單秋拾豆花撈米線 小辣、扣底、走芫荽 $40翡翠苗+$8 魚腐+$10 麻辣雞球 +$8 =$81豆花撈米線，係呢度其中一款招牌菜。除左豆腐花之外，就係炸醬、豉油、辣油、酸菜，呢間做得比上手清新啲，無咁油，食落更舒服。魚腐係呢度另外一款招牌配料，呢度口感實啲，食落有啲似煎釀三寶嘅魚蛋，所以應該係自製嘅。另外有一款麻辣雞球覺得幾特別，無咩炸粉嘅雞球，其實麻多過辣，少少刺激，唔錯。脆炸珍寶韭菜餃 $27韭菜餃係炸唔係煎，好有小食店外賣嘅感覺，但外型更加大。餃子皮薄，炸完特別香脆，裡面韭菜超多，少少豬肉配合，令餃子非常Juicy ，點埋泰式辣醬，就更加開胃啦！特色檸益 少冰 +$15就係檸檬益力多，檸檬加益力多，加少少水，香甜清新，適合解膩。 總數 $108
continue reading
喺呢間米線開張第一日，本身係諗住去新蒲崗食原本嗰一間豆花米線，去到發現執咗，而見到呢一間連招牌都未拆紅紙，但見到入邊有人就走去八卦睇吓，點知都係食豆花米線嘅，當日緣份嘅促使之下成為左佢開店第一台客人。然後因為味道好又再返去食，食完覺得水準keep到又再返去食，介紹啲朋友人哋覺得好食又約我返去食，都唔知食咗幾多次喇。酸辣米線我比較推介，湯好味襯米線好適合。豆花米線其實都好正，但因為係撈嘅關係好多醬，食落比較滯。餸方面推介我的最愛菜式豬頸肉，新鮮燒起熱辣辣脆卜卜，佢個泰式醬汁都好正，酸酸辣辣。豬軟骨都唔錯，係爭少少啲軟骨味道啫喱狀態，同埋個味道比較柔和，係米線湯底之下未能夠好突出。最愛加紫菜。，掃晒啲湯好惹味。麻辣炸雞球都唔錯，新鮮炸起算係食米線入面比較特別少見嘅一個配菜。魚肉春卷同炸魚腐，其實都係新鮮炸好香脆。，不過相對之下就冇咁特別啦。小食方面都食過百味豆腐同蝦多士，兩樣都出色，尤其是包尾豆腐呢個價錢嚟講十分之大份，好食又抵過酒樓食好多。炸韭菜餃都食過。，但就正路啦。飲品飲過凍檸益幾特別，檸檬加益力多，酸酸甜甜好開胃，無喺第二度見過第一次喺度飲。之後都試過朱古力，其實幾香濃都算出色。朋友就話奶茶唔錯，但我就冇飲過喇。附上其中幾次食既圖比大家參考下不過座位真係有啲迫同唔好坐，同埋而家已經好多人食，平日食既話中午12:15左右要到，如果唔係好大機會要排15-20分鐘。老闆(男)第一次幫襯嘅時候見到，好有禮貌好welcoming，但而家樓面個女職員，可能加埋多客當外賣好忙啦，有時態度都一般🫢
continue reading
秋拾豆花撈米線·bb辣 （$40）麻辣雞球（+$8）墨魚春卷（+$8）芝士丸（+$6）米線本身已經係咁多種麵類入面最滑🫶但有咩可以超越得過米線本身既質地呢🥹就係加豆腐花😊食落去吮個下勁順滑😌好似飲緊嘢咁🤩麻辣雞球炸完之後辣油嗰種香口感出晒嚟🫶墨魚春卷都炸得好脆！慢煮豬軟骨米線（$50）麻辣雞球（+$8）呢度有米線湯底清淡得來香口🫶唔會太多油喺個面度🫶但係依然俾到麻辣嘅感覺你🥳自己個人覺得個湯底冇乜味精 食完唔頸渴😝豬軟骨都整得好腍😌仲有都揀左最索湯汁嘅肥瘦肉部份落去😍食落去好惹味！滷水雞翼（$22）呢度主打滷水唔係太濃烈🤓餐廳應該用咗燉煮嘅方法 所以好入味🤤仲有就係煮到好腍😊個人唔鍾意太實肉嘅雞翼☺️所以都啱啱好!炭燒原塊豬頸肉 （$48）依到啲豬頸肉炸到有啲似街頭小食咁🤩酥酥地既焦香味🫶同泰式辣醬超夾🫶脆炸珍寶韭菜餃 （$27）呢個係必食推介！呢三隻餃絕對對得住個價錢🤪 個餡超級多一啖絕對食唔晒成粒長洲大魚蛋咁🥳個皮都炸到超脆😍成個口感就係由外脆到內！特色檸益（檸檬益力多） （+$15）好耐冇飲過力多🤤回憶返晒嚟再加多啲驚喜添😙檸檬夾埋益力多酸酸甜甜好開胃🫶檸檬西洋菜蜜（+$6）
continue reading
呢間餐廳主打豬骨湯底同秘製酸辣湯底嘅米線，仲有新派豆花撈米線，米線控又多一間選擇啦😍💗秋拾豆花撈米線+酸甜齋+滷水腩肉 ($54)呢度最有特色嘅就係豆花撈米線，將米線撈埋炸醬、酸菜、辣醬、醬油同花生，食起嚟幾惹味，有肉碎嘅微辣咸香🥜面頭再舖上一層嫩滑嘅豆花，令米線增添一份豆香，意想不到地幾夾⚪️另外加咗炆得軟腍入味嘅滷水腩肉同甜酸齋🐷💗慢煮豬軟骨米線+蟹柳+墨魚春卷+魚腐 ($80)招牌豬骨湯湯底鮮甜清淡，米線煮得軟硬適中，順滑吸湯，基本配料有豆卜、腐竹、芽菜、韭菜同翡翠苗🍜 慢煮豬軟骨肉質鬆化，軟骨充滿骨膠原🐷 額外加咗爽口彈牙嘅墨魚春卷、魚味濃郁而且索汁嘅自家製魚腐，仲有蟹柳🦀💗自家製手作蝦多士($24)蝦多士炸得金黃酥脆而且唔油膩，最驚喜係放咗原隻爽口嘅蝦肉，非常足料🦐💗椒麻爽魚皮($30)魚皮超級爽脆，加上青瓜、芫茜同木耳涼拌，越食越麻辣，非常上癮🌶️💗炭燒原塊豬頸肉($48)豬頸肉燒至表面焦脆，厚肉爽嫩，蘸上泰式魚露辣醬非常惹味。最重要係大大份夠晒抵食🐖
continue reading
最近去咗一間新餐廳，試咗佢哋嘅招牌魚腐米線。湯底濃郁，米線Q彈，魚腐滑嫩，真係超好味。仲有招牌豬骨湯，湯底鮮甜，有豐富嘅骨膠原，真係好想吃多碗，不過太飽了自家製手作蝦多士非常香脆，蝦肉新鮮多汁，每一啖都好好味，蠔油生菜新鮮爽脆，蠔油嘅香氣同生菜嘅清爽好味😋
continue reading