Video
Read full review
2018-06-14
756 views
日日返工咁鬼攰，到左Friday又想Happy下，唔理佢落唔落雨啦，木嘴就難得主動召喚同事一行四人去尖沙咀食野+飲野。返工都對左成日，放工仲約埋一齊去食飯飲野，人生有好同事確係難得架。不嬲都就得人既木嘴被迫要做話事人揀食邊間，就揀左依間入去諾士佛臺第一間見到既The Salted Pig。間野叫得The Salted Pig，周圍緊係用豬做Deco啦，連D碟上面都印埋豬係度，仲搵隻叉叉住，見到第一下覺得「好得意呀！」，第二下就諗起千尋喊住同佢爸爸媽媽講：「唔好食咁肥呀！唔係會俾人食架！」木嘴吞一吞口水…….就即刻指住Menu話叫返個沙律先，見到佢有個招牌沙律叫Skinny Pig Salad，講得Skinny Pig，咁應該又健康d又有Pig啦，但上到黎又唔多覺得隻Skinny Pig係邊，可能係指食完既木嘴都未定…..不過個沙律係好食既，夠清新，有少少甜味，唔會食到口淡淡，如果食完佢變Skinny Pig木嘴又唔介意既～食西餐唔食薯條點叫食過西餐？依個薯條就勁新鮮，完全Feel到佢即叫即炸果種使命必達既感覺，仲要係粗薯條，上面有少少辣粉咁，木嘴感動到用最短既時間解決左佢。另外都叫左個
間野叫得The Salted Pig，周圍緊係用豬做Deco啦，連D碟上面都印埋豬係度，仲搵隻叉叉住，見到第一下覺得「好得意呀！」，第二下就諗起千尋喊住同佢爸爸媽媽講：「唔好食咁肥呀！唔係會俾人食架！」木嘴吞一吞口水…….
就即刻指住Menu話叫返個沙律先，見到佢有個招牌沙律叫Skinny Pig Salad，講得Skinny Pig，咁應該又健康d又有Pig啦，但上到黎又唔多覺得隻Skinny Pig係邊，可能係指食完既木嘴都未定…..不過個沙律係好食既，夠清新，有少少甜味，唔會食到口淡淡，如果食完佢變Skinny Pig木嘴又唔介意既～
26 views
0 likes
0 comments
食西餐唔食薯條點叫食過西餐？依個薯條就勁新鮮，完全Feel到佢即叫即炸果種使命必達既感覺，仲要係粗薯條，上面有少少辣粉咁，木嘴感動到用最短既時間解決左佢。
28 views
0 likes
0 comments
另外都叫左個肉丸意粉，雖然望落只有三粒肉丸，但佢粒肉丸大大粒，仲唔差，個意粉都煮得岩岩好，唔會太軟太硬。
16 views
0 likes
0 comments
不過佢每一碟既份量唔算太多，食到依度個肚都仲覺得有點空虛，出面落緊雨，正想唱返句我空虛、寂寞又凍之際，就見到隔幾檯上左碟Nachos，都唔執輸叫左個Pulled Pork Nachos，又唔錯喎！醬又幾多芝士又足夠，有幾粒青色既辣椒係度食落令人冇咁Dry。都值得一推！
28 views
0 likes
0 comments
食完野，吹左兩句水又口痕想食下甜品，再睇睇個Menu啦，第一下見到個Go Banana! Sundae 就覺得個名好吸引，充滿活力仲唔係最岩Friday Night嗌？但發現佢中文譯名個感嘆號都唔係放係香蕉後面，而係放係瘋狂後面，思考緊應該用個咩語氣去叫依道甜品既時候，木嘴已經因為店員熾熱既眼光而太緊張，求其叫左個甜品拼盤算，唔駛煩呀嘛！仲順手叫左幾杯Cocktail送下甜品，不過Cocktail唔記得影，原諒木嘴吧。
35 views
0 likes
0 comments
雖然個甜品係求其叫，但佢一D都唔求其，比木嘴想像既更大份！入面有芝士蛋糕、軟心朱古力曲奇伴雲呢拿雪糕、心太軟，同一件疑似係蘋果批既….批。木嘴今次真係要大讚自己既機智叫左個拼盤，中間個軟心朱古力曲奇伴雲呢拿雪糕好好食，佢應該係一整完即刻連Pan上，所以仲好熱辣辣，店員上菜果陣仲好貼心提醒我地唔好辣親。佢個底硬硬地但上面又係適中既軟，因為好熱，加埋雪糕果種冷熱交融既矛盾感衝擊味蕾，好食呀！
木嘴本身就鐘意食心太軟既，佢個心太軟同芝士蛋糕都不過不失～係個疑似蘋果批有少少失望，上面既蘋果有點兒酸過頭，又或者係木嘴既味蕾太脆弱啦，都係小心呵護好D！
最後木嘴發現自己食到好飽呀，食完哂D野隻碟上面本身俾野食遮住既豬又出返黎，木嘴長嘆一口氣，決定埋單走人算。
Post
