Video
Read full review
2019-06-24
268 views
辛辛苦苦番左五日工，終於到放假可以有時間同朋友行街買野食飯！😍同友人瘋狂shopping過後，已經令到我地既食慾大增，朋友話想食麵唔想食飯，又咁岩見到一間叫麵全食既食店，就入左去坐低叫野食。由於真係好肚餓，又見到餐牌上有個大胃王米線，仲要唔洗諗食咩餸，簡直岩曬我呢款樣樣野都想食既人😛，諗都唔諗就叫左個大胃王米線。而友人則叫左白胡椒海鮮泡飯，另外仲叫左個清湯蘿蔔牛腩同滷水雞翼做小食！隔左無耐，首先上枱既係雞翼同牛腩，雞翼睇落滷水色唔算好深，但估唔到食落口好入味，啖啖肉岩曬我呢啲食肉獸！而清湯蘿蔔牛腩，因為見到鋪面既poster上寫住好食到連湯都飲埋，我地第一時間就係飲左啖湯先，又真係想唔到佢既清湯清得黎有淡淡既鮮咸香味（好怕清湯真係清到好似水咁無味），而牛腩肥瘦適中，又淋又有肉味，而蘿蔔亦清甜得黎無渣，唔錯。👍隨後上枱既係米線同泡飯，米線果然稱得上為大胃王米線🍜，餸既份量十足，有牛丸（爽口得黎幾有牛味），墨丸（食得到有墨魚粒），腩肉（肥瘦適中），牛展肉（又軟又有肉味），仲有蝦球（呢個就無咩特別），連已經食左咁多野既我都清曬米線同餸，仲飲左成半碗湯就知真係幾唔錯！😋😋而朋友既海鮮泡飯都好香
同友人瘋狂shopping過後，已經令到我地既食慾大增，朋友話想食麵唔想食飯，又咁岩見到一間叫麵全食既食店，就入左去坐低叫野食。
由於真係好肚餓，又見到餐牌上有個大胃王米線，仲要唔洗諗食咩餸，簡直岩曬我呢款樣樣野都想食既人😛，諗都唔諗就叫左個大胃王米線。而友人則叫左白胡椒海鮮泡飯，另外仲叫左個清湯蘿蔔牛腩同滷水雞翼做小食！
隔左無耐，首先上枱既係雞翼同牛腩，雞翼睇落滷水色唔算好深，但估唔到食落口好入味，啖啖肉岩曬我呢啲食肉獸！
而清湯蘿蔔牛腩，因為見到鋪面既poster上寫住好食到連湯都飲埋，我地第一時間就係飲左啖湯先，又真係想唔到佢既清湯清得黎有淡淡既鮮咸香味（好怕清湯真係清到好似水咁無味），而牛腩肥瘦適中，又淋又有肉味，而蘿蔔亦清甜得黎無渣，唔錯。👍
隨後上枱既係米線同泡飯，米線果然稱得上為大胃王米線🍜，餸既份量十足，有牛丸（爽口得黎幾有牛味），墨丸（食得到有墨魚粒），腩肉（肥瘦適中），牛展肉（又軟又有肉味），仲有蝦球（呢個就無咩特別），連已經食左咁多野既我都清曬米線同餸，仲飲左成半碗湯就知真係幾唔錯！😋😋
而朋友既海鮮泡飯都好香，我偷飲左啖湯，胡椒味十足，仲帶有少少既辣，十分惹味。👍
而飲品我叫左杯青瓜豆漿，朋友則叫左杯檸底可樂，檸底可樂大家都知咩味嫁啦，唔多講了。特別既係究竟青瓜豆漿係咩味呢，飲落去有粒粒青瓜係到，而最估唔到兩樣唔係好關事既野結合起黎，竟然好！好！飲！既有清新既青瓜味，又有豆漿既香甜豆味，岩曬食完熱辣辣米線既我。
總結黎講，呢餐真係飽到上心口.......不過如果下次再黎行街既話，我都會再黎呢到！
Post
