日暮家 麵匠 (Closed)

晚上八點幾行過見到有兩個妹豬排隊，望下先知係AK哥哥主理的拉麵店，諗住咁少人就去排拉，點知果兩個妹豬話截左龍。正當我失望之際，店員出黎帶妹豬入座，我都順口問下個店員拉，然後佢就直接帶埋我入店！Lucky Me～① 日和拉麵 $98濃厚醬油雞白湯拉麵配慢煮雞肉叉燒② 琥珀拉麵 $113黑松露蜆貝醬油湯拉麵配慢煮豚肉．雞肉叉燒湯底好正，雞白湯濃稠，雞肉同叉燒大大塊，好多蔥粒，洋蔥粒同木耳絲。松露湯底亦好香，仲有幾隻蜆肉，好鮮味。最正係好似豚王咁，調味架有辣菜脯同蒜粒，好惹味。③ 溏心蛋 $16隻蛋加左個貓掌印，打卡able，咬開當然係流心架拉。④天婦羅無骨雞翼(蒜香) $68其實只係一隻雞全翼去骨拎去做天婦羅，有少少厚粉炸雞扒咁，但食落感覺又幾特別。店內有好多貓貓，門口有貓貓擺設，一道貓牆，連隻拉麵碗都係貓貓，貓奴一定勁開心。