Video
Read full review
2019-07-01
560 views
今次同friend去咗呢間話係新加坡50佳嘅莆田，平日見佢晚市幾貴，但係下午茶（兩點半開始食）都係大概$48(點心套餐) 或 $58(小聚套餐) 一位，免茶芥加一，當食lunch嘅話係呢區價錢可以接受，所以就試咗佢啦～朋友叫咗$58(小聚套餐)，有滷水自製豆腐，水晶豬蹄凍，興化炒米粉（推介）同清心雪耳糖水。滷水自製豆腐，味道正常嘅滷水豆腐，索晒啲滷水汁好香。水晶豬蹄凍，有啲似鎮江肴肉，豬蹄凍晶瑩剔透，放落口好軟滑，不過比較多豬皮，減肥人士注意吓喇清心雪耳糖水，幾香甜，仲有粒去咗核嘅小紅棗~興化炒米粉，全場最好食，好多配料例如蜆仔，蝦仁，花生仁，米粉好似絲咁幼，仲幼過平時食嘅銀絲米粉，又炒得唔油，有小小鹹香味，亦都係好夠份量。我叫咗$48(點心套餐)，有莆田糯米丸，古法蕃薯包，包菜飯同清心雪耳糖水。莆田糯米丸其實即係擂沙湯丸，甜而不膩。古法蕃薯包，外皮煙煙韌韌，裏面有啲蕃薯餡，覺得蕃薯包皮好食過唐記包點，兩個點心都令人食得好滿足。包菜飯其實即係有用到捲心菜同小小蝦乾臘味炒嘅飯，唔算好多配料，但係用豉油炒得好惹味，啲菜又夠fresh中和到炒飯嘅油膩感，而且份量夠多。埋單免加一茶芥，不過就有
朋友叫咗$58(小聚套餐)，有滷水自製豆腐，水晶豬蹄凍，興化炒米粉（推介）同清心雪耳糖水。
水晶豬蹄凍，清心雪耳糖水，滷水自製豆腐
19 views
0 likes
0 comments
滷水自製豆腐，味道正常嘅滷水豆腐，索晒啲滷水汁好香。
水晶豬蹄凍，有啲似鎮江肴肉，豬蹄凍晶瑩剔透，放落口好軟滑，不過比較多豬皮，減肥人士注意吓喇
清心雪耳糖水，幾香甜，仲有粒去咗核嘅小紅棗~
興化炒米粉
20 views
0 likes
0 comments
興化炒米粉，全場最好食，好多配料例如蜆仔，蝦仁，花生仁，米粉好似絲咁幼，仲幼過平時食嘅銀絲米粉，又炒得唔油，有小小鹹香味，亦都係好夠份量。
我叫咗$48(點心套餐)，有莆田糯米丸，古法蕃薯包，包菜飯同清心雪耳糖水。
莆田糯米丸，清心雪耳糖水，古法蕃薯包
36 views
0 likes
0 comments
莆田糯米丸其實即係擂沙湯丸，甜而不膩。
古法蕃薯包，外皮煙煙韌韌，裏面有啲蕃薯餡，覺得蕃薯包皮好食過唐記包點，兩個點心都令人食得好滿足。
包菜飯
41 views
0 likes
0 comments
包菜飯其實即係有用到捲心菜同小小蝦乾臘味炒嘅飯，唔算好多配料，但係用豉油炒得好惹味，啲菜又夠fresh中和到炒飯嘅油膩感，而且份量夠多。
埋單免加一茶芥，不過就有個要收費嘅餐前小食（大概十幾蚊？），下午茶唔多人，好寧靜，侍應態度好，嘢食精緻好味，絕對值呢個價～
Post
