合利潮州打冷飯店

Open Now

Now Closed

而家local嘅餐廳執完一間又一間，香港仲有好多好食又抵又有人情味嘅舖頭值得我地幫襯嫁🥹今次係我第一次黎合利，佢鋪面望落好簡單又舊，但其實入邊好乾淨，枱與枱之間雖然比較近，但係啲枱好大張，坐得舒服唔會迫。我哋三個人叫咗一碟滷水拼盤(細)，佢嘅打冷唔係冷冰冰而且好入味，就算叫咗碟細嘅都好足料，我諗四個人都夠食。個蠔餅炸得好靚好脆，唔會太粉，而且好多蠔仔！total 分左6件。另外叫咗個芳魚肉碎粥(細)，如果用佢啲細碗都分倒8碗出嚟。佢個粥好香，落咗好多方魚乾。仲有個鹹魚肉餅煲仔飯！太心急食唔記得影相！佢個豉油有少少甜味，一到落去個飯度焗一陣就出到飯焦。係好好味，啲鹹魚好香，個肉餅口感亦都唔會乾。後尾聽到隔籬枱落單先知有啲餸可以揀雙拼，大家落單時可以問一問。總括而言，佢啲嘢食係真係好足料好抵食。我呢度3個人都係食咗大約$450炸！由於佢啲嘢食太大碟，我哋樣樣都想食，真係好飽。仲有好多餸想試，下次要多啲人嚟先可以share食倒多啲款式。