合利潮州打冷飯店

Open Now

Now Closed

而家local嘅餐廳執完一間又一間，香港仲有好多好食又抵又有人情味嘅舖頭值得我地幫襯嫁🥹今次係我第一次黎合利，佢鋪面望落好簡單又舊，但其實入邊好乾淨，枱與枱之間雖然比較近，但係啲枱好大張，坐得舒服唔會迫。我哋三個人叫咗一碟滷水拼盤(細)，佢嘅打冷唔係冷冰冰而且好入味，就算叫咗碟細嘅都好足料，我諗四個人都夠食。個蠔餅炸得好靚好脆，唔會太粉，而且好多蠔仔！total 分左6件。另外叫咗個芳魚肉碎粥(細)，如果用佢啲細碗都分倒8碗出嚟。佢個粥好香，落咗好多方魚乾。仲有個鹹魚肉餅煲仔飯！太心急食唔記得影相！佢個豉油有少少甜味，一到落去個飯度焗一陣就出到飯焦。係好好味，啲鹹魚好香，個肉餅口感亦都唔會乾。後尾聽到隔籬枱落單先知有啲餸可以揀雙拼，大家落單時可以問一問。總括而言，佢啲嘢食係真係好足料好抵食。我呢度3個人都係食咗大約$450炸！由於佢啲嘢食太大碟，我哋樣樣都想食，真係好飽。仲有好多餸想試，下次要多啲人嚟先可以share食倒多啲款式。

之前同同事食過幾次呢間合理潮州打冷，一大班人嗌好多菜share食，大部份都幾好食。今次突然有啲掛住其中一道送，所以得兩個人都照食打冷。唔知大家有冇喺潮州打冷舖食過一款粥叫方魚肉碎粥，今次就係想食返呢碗粥所以先去幫襯兩個人嗌咗一鍋方魚肉碎粥，份量大概係每人食到三個細碗左右個人好鍾意方魚嘅鹹香味，令到成碗粥好入味不過呢碗粥係由落到蔥花同少少芹菜碎去煲，如果要走青記得講！好味指數：🌕🌕🌕🌕🌑仲嗌咗芝麻西檸雞呢間舖特別加咗芝麻喺西檸雞上面令到食到檸檬香同時都有芝麻香🌕🌕🌕🌗🌑潮州煎蠔餅煎得夠脆，不過蠔嘅份量就好似有啲少🌕🌕🌕🌗🌑呢間打冷飯店喺OpenRice評價唔太多，但每一次食都會坐滿人。如果多人食記得book位。

冇諗過一餐高水平嘅潮州菜價錢會咁平，今晚叫咗三樣嘢食，夾埋竟然唔使三百蚊落樓真係好抵°一心其實係諗住嚟呢間幫襯佢嘅水瓜烙，不過食到一半先至發現佢好似係九肚魚烙，畀錢嘅時候又唔記得同老闆娘講，希望佢冇收少我錢啦，始終呢啲老實小店真係要真心支持°講返佢個九肚魚烙先，材料好足好新鮮，粉漿唔會太厚，唔會一味淨係食咗麵粉食唔到九肚魚同埋其他嘅配料，真心讚°第二度餸係芥蘭炒牛肉，用返有潮州特色嘅沙爹醬特別正°最後一度係糖醋麵，煎得夠香夠乾身，而且又唔係太多油，加上砂糖同埋醋就無敵啦°

五一假期前食個晚飯，因為朋友要喺佐敦做嘢所以揀咗呢一間潮州舖，嗌咗四個餸每人先至二百幾蚊，即係平均一個餸百幾蚊，其中一個仲要係滷水鵝片，真係一餐抗通脹晚餐。滷水鵝片份量都唔少㗎，冇將價就貨，而且滷水香得嚟又唔會一味得個鹹字，我肉又唔肥，淨係咬咗啲皮出嚟就可以成嚿好安心咁樣食晒落肚，連墊底嘅滷水豆腐都好味。啫啫芥蘭夠火喉有鑊氣香噴噴仲有啲芥蘭非常青綠新鮮。香煎墨魚餅其實應該係炸先至啱，墨魚餅面有啲粉絲碎一齊揸到脆卜卜，又唔會太油喎。食到舔舔脷叫多一碟最後又揀咗椒鹽鮮魷，唔會炸到over晒，啲粉漿又唔會好厚僅僅夠包住啲魷魚真係fit晒。

這間在佐敦的潮州打冷，外貌同其他的潮州打冷差唔多由櫥窗睇，可以見到好多潮州傳統的冷盤，包括韭菜豬紅，滷水豆腐，大眼雞，紅腸，滷水鵝，滷水墨魚等等入到去座位都有少少排列得好密，但係張枱就比較寬敞，叫好多嘢食都唔怕第一碟到枱的，就是韭菜豬紅，睇短片就可以見到啲煙，證明呢個韭菜豬紅熱辣辣，下面仲有好多韭菜，好正第二個潮州小炒王，你哋睇吓啲煙，真係熱辣辣炒完，即刻送到枱面，味道好好就算蠔餅都係熱辣辣，而且唔係用好多粉漿去煎炸，唔會成口油潮州炒麵線，同樣都係熱辣辣，顏色同其他潮州打冷店炒麵線的，好似白咗少少，亦都幼身咗少少，我反而鍾意闊身少少，可以有更好的口感，以及食到潮州麵線的鹹味西檸雞同樣熱辣辣登場，叫咗個薑汁炒芥蘭，唔記得影相，應該係芥蘭苗，而且斜切咗，口感更加爽甜品叫咗個用芋頭蓉做的，好好味值得推薦，叫咗幾支啤酒，每人價錢都係200幾

當日都幾多人聽朋友講平時吾book都有好多位伙計好nice 螄蚶醃製得幾好食夠晒鮮鴨件下莊不會太油蠔餅夠脆仲要切好件一入口就聽到d脆脆聲鵝腸呢個味道一般薑、芫茜蓋過左味道椒鹽九肚魚吾有醬油都食到椒鹽的咸味小炒皇有少少辣但一路會追住食南乳炸雞呢個野味到會一件接一件甘食好小地方有得食紅腸八爪魚芋泥丸甜甜地不失風味

間位於佐敦嘅潮州打冷小店好耐冇嚟幫襯，今日幫襯食晚飯，水準仍然保持到，而且價錢應該冇乜加到，仍然係非常抵食，兩個人叫唔到好多嘢因為唔想浪費食物，所以只點了滷水拼盤同埋蠔餅，兩樣味道都唔錯，埋單$251算好抵啦。逢親去食潮州嘢我都好鍾意叫滷水拼盤，一間潮州打冷店嘅滷水做得好唔好代表着呢間食肆掂唔掂，老老實實呢度就真係好掂，滷水夠香又唔會一味得個咸字，五花腩豬耳仔豬生腸紅腸豬大腸鵝肉芽菜仔同埋豆腐樣樣都好入味。呢度嘅蠔餅都幾脆口，而且唔會太油，唔會漿住個喉嚨，啲蠔仔都幾新鮮同埋好大粒。我哋另外叫咗碗潮州白粥，不過唔記得影相。

最鍾意懷舊小菜，今次誤打誤撞去咗呢一間位於佐敦王子酒店對面的合理潮州打冷飯店！我哋食咗啦，大約六個餸，三支啤酒，價錢唔貴，而且勝在不用等候。豉椒炒蜆汁多，而且野味蜆肉肥美！蠔仔肉碎粥好大碗，五人分，蠔仔肉都大粒，暖胃！滷水鵝片味道一般！黑椒牛柳粒，正常，唔韌！白色魷魚片，好好食！想再返單！最特別係嗰個炸芋頭條有啲糖包住既！食到停唔到口，好好味！減肥唔食得太多啊，但係都食咗起碼¼！🤣🤤🤩🙈整體嚟講，我下次會再去再食，值得推介！👍💕

難食，味精多，未食完就催客走~ 明趕客😡一行6人去食飯，打電話去book 枱，又話有位，又話未必有位。7:00到咗仲有枱，半數先可入坐。有3個朋友未到，夠半數照入去叫佢啤酒小食飲住先。坐咗10分鐘左右，個呀婆(應該係老闆娘) 不段喺到眼啤啤。之後朋友到齊。叫咗韭菜豬紅、滷水鵝片、咕嚕肉、啫啫芥蘭煲、豉椒炒蜆、炸子雞、炸蠔餅、同埋椒鹽九肚魚，仲不斷叫啤酒諗住慢慢傾慢慢食。點知食到一小時多啲，聽到個呀婆叫後面張四人枱嗰四個食客轉去張二人枱。人哋梗係唔睬佢佢啦。之後就好似沙魚咁喺我哋張枱後面徘徊，係咁話有張六人枱喺門口等咗好耐。其實食飯等枱好正常。佢哋又無限時，但係就用呢啲方法逼你唔好意思咁走。之後仲嚟收我哋個啤酒樽，問我哋係咪飲完支啤酒就走。😡 食打冷正常都係慢慢飲慢慢食慢慢傾，如果咁樣俾人催法，咁就失去食打冷嘅意義。超嬲😡態度唔好都算啦😤，嘢食都唔好食就冇必要去了😒

水瓜烙雖然你炸唔係煎，不過唔會好油，D水瓜又幾爽口。普寜豆腐又幾好食，外面炸到香脆，入面仲係軟林林的豆腐，炸野唔油好難得。胡椒豬肚湯D豬肚洗得好乾淨無臭味，胡椒味剛剛好唔會太辣，4個人叫咗個例牌每人都有1碗仔。春菜煲D春菜唔會炆得太林，D春菜都幾香菜味。蠔仔肉碎粥嘅蠔仔都幾鮮味，如果再多D蠔仔應該食得更開心。鹵水拼盤估唔到個細Size都幾大份，入面有紅腸墨魚豬腩肉豬耳鵝腸豬大腸生腸同芽菜，鹵水唔太鹹，幾好食。

去打冷必食豉椒炒蜆，好惹味而且醬汁夠多，蜆肉都好肥美。椒鹽九肚魚就比較差，整得太乾身而且味道偏淡。另外仲叫咗滷水拼盤（大）唔建議叫❗️拼盤裏面每樣都差，好多地方都仲好食，冇必要去叫，又唔抵食☹️同行嘅三個朋友都擰晒頭。個人建議去一次就夠😇

今晚兩餸一湯，食咗潮州家鄉肉卷、水瓜烙同埋豆腐魚雲湯，整體味道都唔錯。潮州家鄉肉卷其實就係好似札肉切厚片再煎炸返，旁邊的柚子汁用黎點D肉卷真係Perfect，一點咗就去晒D油膩感覺。水瓜烙唔係好多地方食得到，味道都好OK，不過唔算正宗，因為一來係炸唔係煎，二來佢入面無薯粉嘅。值得一提的係除咗水瓜烙之外，佢呢度仲有九肚魚烙，不過估計都係炸嘅。豆腐魚雲湯味道都唔錯，不過如果D魚雲可以再新鮮D應該會仲好味D。

臘腸排骨煲仔飯，焗了一會才打開，一陣豆豉香一湧而出，排骨也帶點肥，令飯更香口。飯焦又超多，要彈的就只有是臘腸有點過鹹。豬紅韮菜有油份在汁料中，令到味道提升了很多，下欄菜式卻煮得很好味。而且豬紅也沒有散開，十分完整，值得試

難得親友由英國回來，卻又因為疫情嚴重影響周圍都去唔到，悶左咁多日，都係唔理咁多，出去搵下特式嘢食，搵搵下搵到佐敦廟街有一間潮州打冷老店。出乎意料之外嘅潮味！一行8人，可能疫情關係，晚上唔多人。我哋叫咗：滷水拼盤、韮菜朱紅、水瓜洛（唔係到到有得食㗎，所以放棄蠔餅）、潮式肉卷、欖角蜜味骨、啫啫芥蘭煲、川椒雞。全部推介

佐敦站行過去5分鐘就到，一入到餐廳就覺得好熱鬧，家庭式的感覺點了羊腩煲，湯汁夠濃，越煲越入味，羊腩大大舊，皮厚又夠彈牙，腐竹點埋啲汁同腐乳醬超惹味，仲可以撈飯！滷水拼盤大大碟都係$198，有墨魚、鵝腸、鵝片、豬耳、豬腸、鵝掌、生腸等。全部都勁入味，配埋白醋同辣椒油一流煎蠔餅，蠔仔好足料，又唔會太油唔會太粉，點啲魚露再配啖啤酒，正！🍻但如果週末來的話最好早啲book位，羊腩煲也要提早預訂，因為位置不多。