華記小廚 (香港仔舊大街) (Closed)

寫食評的動機係疫症下為艱苦經營嘅餐廳打打氣。個人一向有碗話碗，好食就纘。呢一餐主要係體會到店舖的用心制作，出品俘虜咗我的心。游水的倉魚當住你面前現撈，夠大條肉質夠丰厚，雖然係養魚但都食到鮮味。而且火候啱啱好最快上檯的燒味拼盤更正，燒肉脆皮，內里肉嫩多汁，有圖為證，睇到燒肉表面出汗狀態，好食。薑蔥蠔份量夠，而且隻隻肥美，配菜薑及蔥都俾得好多。海鮮豆腐煲就真係一般水準，但勝在煲仔燒得夠熱，上枱仲吱吱響咗幾分鐘，豆腐梗係熱啦啦，咁平凡都合格。店舖里行緊一半人手，落單出菜無往日咁快，大家漿就少少啦，共渡難關，明天會更好，加油💪！