華記小廚 (香港仔舊大街) (Closed)

住赤柱d嘢食道悶悶d就會去香港仔揾食，而多數時間就會揀呢間，由裝修前已經幫襯，宜家裝修完繼續幫襯。每次入到去都人聲喧囂，幾好生意！看看餐牌，價錢都親民正常價，388可以任選四道送，真係幾好。又唔貴，又百分百自己話事。唔鍾意d套餐配好曬，一定唔會全部都鍾意食。今次叫左金菇肥牛煲、蔥薑台山蠔、樟茶鴨同埋小炒皇，全部有水準嘅！🈶鍋氣又幾足料，其實我已經唔係第一次過來食，叫過好多唔同款嘅送，全部都ok，唔會dim失望。仲要試過水煮都ok，不過一定唔係地道水準，係叫做可以係食其他嘢嘅時候有多一道惹味送菜，都唔錯啊，個種ok。

經同事介紹黎到一個唔顯眼內街的位置，一直都未黎過，入面都幾大，碟頭飯唔止個盤大，量都好大，細食嘅要減飯，大食嘅差點食唔曬，種類都令人15/16，特別係口水雞飯/梅菜扣肉飯，最終選擇了口水雞飯配熱檸水。上菜時是一個大盤咁上，人人都一大兜，口水雞個汁係另上，雞可以講係無味，亦有皮蛋&辣椒碎做伴碟，除左白飯外，其他野基本上都係唔熱，雞的位置主要以胸為上，肉質亦唔鞋只係無味，但以份量取勝算唔錯。服務員態度親切有禮，唔會呼呼喝喝，下次會想試梅菜扣肉飯，見個同事都食到讚不絕口。

禮拜六同屋企去咗呢間超級地道嘅小炒王菜式！1。椒鹽雙併椒鹽豆腐，拼椒鹽魷魚，炒得好香口，真係好鬼好食。2。生炒骨啦，正宗大排檔風味呀！3。百齡菇雙蔬一般般啦！4。紅燒雜菌豆腐，同頭先嗰個菜啲味差唔多😂😂5。蔥油雞半隻，隻雞幾滑，不過細咗啲🤣6。蒜蓉開邊蝦，夠晒味，不過我細佬話，隻蝦咁細隻都可以開兩邊，師傅刀工都好勁。7。最後有老虎斑。老虎斑幾好食㗎，有蔥油放上去，特別惹味！做街坊生意舖頭，都幾抵食！

這間大排檔的菜式口味獨特，既有傳統的廣東風味，又有地方特色的改良創新。其中，蔥姜炸蠔鮮美可口，炸得金黃酥脆的蠔肉與香蔥、薑末、蒜蓉等調料混合，再煲製既有濃郁的海鮮味，又有香辛料帶來的豐富層次感。肥牛煲口感濃郁，軟嫩適中的肥牛與其他食材相互交融，搭配香濃的湯底，令人食慾大開。小炒皇鮮香可口，可稱得上佳餚；樟茶鴨則是肉質緊實、鮮嫩多汁，獨特的樟茶葉熏製工藝賦予了鴨肉獨特的風味，配以特製的醬汁，更是回味無窮。整體來說，這間大排檔的食物品質比較出色，各類菜品的質量和口感都較為穩定。食材新鮮、烹飪技藝到位，菜品的風味和特點也比較突出。總體而言，這間大排檔在菜品口味、品質和價效比等方面表現不俗，

📍華記小廚𝑾𝒂𝒉 𝑲𝒆𝒆 𝑹𝒆𝒔𝒕𝒂𝒖𝒓𝒂𝒏𝒕🧭香港仔香港仔舊大街82號地舖💰人均消費: HKD272第一次嚟到香港仔舊大街，原來係條巷仔🤣 今晚食#華記小廚! ⭐️霸王辣子大腸$128𝑺𝒊𝒄𝒉𝒖𝒂𝒏 𝑺𝒑𝒊𝒄𝒚 𝑷𝒊𝒈 𝑰𝒏𝒕𝒆𝒔𝒕𝒊𝒏𝒆𝒔 辣子雞食得多，辣子大腸真係未食過！唔好睇佢炸到咁，個大腸咬落去係鬆化㗎！有趣有趣💯薑蔥焗魚卜 $108𝑭𝒊𝒔𝒉 𝑴𝒂𝒘 𝒘𝒊𝒕𝒉 𝑮𝒊𝒏𝒈𝒆𝒓 𝒂𝒏𝒅 𝑺𝒄𝒂𝒍𝒍𝒊𝒐𝒏超好味！啲魚卜拉油非常好！ 入口食到酥脆可口，加上芡汁做得好好，魚卜同薑蔥吸滿晒個汁，勁正！⭐️鹽酥雞配豆腐 $128𝑫𝒆𝒆𝒑 𝑭𝒓𝒊𝒆𝒅 𝑪𝒉𝒊𝒄𝒌𝒆𝒏 𝒂𝒏𝒅 𝑻𝒐𝒇𝒖超大份！ 估唔到鹽酥雞都幾出色，好有台灣夜市feel！ 個豆腐好滑捋捋好味⭐️家鄉樟茶鴨 $128𝑺𝒊𝒄𝒉𝒖𝒂𝒏 𝑺𝒎𝒐𝒌𝒆𝒅 𝑻𝒆𝒂 𝑫𝒖𝒄𝒌樟茶鴨都唔錯，煙燻味好香，肉質比較緊緻，帶有少少咸香！ 🆗虎皮尖椒 $68𝑷𝒂𝒏-𝒔𝒆𝒂𝒓𝒆𝒅 𝑮𝒓𝒆𝒆𝒏 𝑪𝒉𝒊𝒍𝒊 𝑷𝒆𝒑𝒑𝒆𝒓尖椒口感幾口，少少籽辣，佢用辣油煮，但味道有少少偏酸⭐️蒜蓉粉絲蒸扇貝𝑺𝒕𝒆𝒂𝒎𝒆𝒅 𝑺𝒄𝒂𝒍𝒍𝒐𝒑 𝒘𝒊𝒕𝒉 𝑽𝒆𝒓𝒎𝒊𝒄𝒆𝒍𝒍𝒊 啲扇貝隻隻都手

今天跟家人到此店吃晚飯，還未遇過這麼差劣的服務！事關我們叫了一個黑椒炆豬手，我們吃了一口，整隻豬手都有一陣烤焦味，我們跟店員說明此狀況，店員說這是正常的，是煙熏味，焦黑一片說是煙熏味，眼睛不知是不是出現什麼問題！強烈建議這店員必須要去驗眼！後來我們要求換菜，那個店員說不能換，說拿回廚房會給廚師責罵，拒絕換菜，只給予一枝啤酒打發我們，整隻豬手直接拿回廚房，想不到疫情之後仍然會出現這麼糟糕的服務，以後絕不幫襯此食店！也希望其他幫襯的人三思而行！

記得疫情前，一位四川朋友推介過我一間香港仔必食水煮魚。於是今日去探朋友，路經香港仔，就去咗回一回呢間朋友推介嘅華記。回想朋友嘅推介除咗水煮魚之外，莫過於炸原條魚片，拍得住以前香港仔山窿謝記魚蛋粉的招牌炸魚片，可惜嘅係，原來呢個炸魚片已經冇做好幾年了。今次，去食嘅時候都重中之中必定要來過水煮原條桂花魚，等嘅時間係有啲長，足足等咗20分鐘，一上枱仲好大盤…..仲有豬紅、萵筍、及薯粉等滿滿的一盤，味道不得之了，今次點了一個鐘啦，立德好過癮味道仲要好野味惹味。由於我今次人少只有兩個人，所以冇特別再加其他嘢，其實如果人多，可以在家打邊爐配料，或魚再追加食過夠，喺呢啲街坊地方都搵到間咁正既水煮魚真心遠都值一試。

路經香港仔，行去山窿魚蛋嗰度，原來已易手變咗呢間華記小廚，都好啦，一場嚟到原來夜晚有小炒、又有魚池，希望個廚得啦喺呢類餐廳，最鍾意試最邪惡嘅扣肉飯上桌呢份真係好邪惡下😅，貌似全肥扣肉，份量也不多，得四件幸好尚有一件＂瘦＂的不過食落，都好好味道，扣肉肥而不膩，入口即化，梅菜夠甜，送飯一流，轉眼間就成碟飯KO哂唔，呢間下次可以再嚟！＃行到邊食到邊＃經常獨食但又肥嘅阿伯

疫情又嚴重咗，盡量減少堂食，但係始終要開餐，唯有買外賣返屋企食安全啲！之前食過華記午市嘅酸菜桂花魚米線，覺得幾夠味！啲柱花魚幾滑，份量又多！米粉幼身爽口！😋今日又想食，就外賣一碗返屋企慢慢食啦！10分鐘路程返到屋企，打開碗米粉仍然熱辣辣，米粉浸住咁耐仍然爽口👍桂花魚啖啖肉，加埋酸菜同雜菇好夾，個湯辣辣地好正，差不多飲晒！$68一大碗，再包飲品，食完好飽！其實細食，2個人share都得，價錢都算抵！有時如果一、兩個人想食酸菜魚，都可以食呢個頂吓癮😂

地點寧静，格局親民。溝通良好，性價比高。價錢合理，味道適宜。菜式可口，值得探究。如有外賣，切記留電。套餐最好，散叫亦平。招牌美食，不妨一試。三五知己，回味無窮。

華記小炒平通街 最啱糧尾窮措大海鮮可以代料理 品質不錯啱吃貨幫襯六點首輪客 環視四周半滿座不收加一免茶芥 與友同行菜三個可惜環境較嘈雜 隔離左右似直播每次例點咕嚕肉 中秋佳節齊慶賀菠蘿甜酸夠份量 食完定必更肚餓茄子斑腩煲仔熱 可惜太油記小過利口利腹難兼顧 回家努力做仰臥節瓜全場頂瓜瓜 家常小菜入嚟坐粉絲條條掛汁多 南乳好味把飯佐白飯猶如小山丘 未能吃完氣勢挫華記就在我樓下 慳返一節地理課

同屋企人嚟食飯～ 我地叫左好幾款小菜～ 好多都好新鮮好好味 唔錯唔錯蒜蓉粉絲蒸帶子，帶子蒸到好香好滑唔會老超滑嘅黑椒鹹豬手- 黑椒豬手真係好特別好好味，個豬手炆到好淋～ 豆腐魚頭湯，個湯好好味，但個豆腐麻麻..西蘭花豆腐炒香菇，個豆腐都菇都好好味金銀蛋配菜，菜唔算好新鮮但配左個上湯唔錯芝士龍蝦伊麵，龍蝦真係好新鮮好滑好好味～ 清蒸海斑，條魚都蒸得幾滑同埋新心好新鮮呀！荷葉蒸飯配超滑鮮蝦，啲鮮蝦喺個荷葉飯上面但都幾滑！紅燒炸子雞，我覺得個皮都幾好香！超滑山水豆腐花，個豆腐花熱辣辣好好食！忍唔住食咗2碗！

曾經聽說；多次經過這小店就長在我家樓下，卻一直咫尺天涯。聽說小菜味道很好；聽說材料新鮮；聽說價錢公道…說來話長，今晚到。大廳光猛亮麗，有足夠社交距離。3個人坐在卡位，帶的東西多，感覺有點擠。點了個四道菜超值套餐，再加一客揚州炒飯，才一會兒功夫，這店便坐滿人了，提早訂位可能更穩妥。【燒汁薯仔安格斯】好吃! 是這幾年來吃過的最好安格斯。牛味濃郁，有嚼勁而不靱，配菜薯仔也很美味，若是少放些鹽就更好了。【蝦皇大白菜】失準之作! 擺放在菜上的蝦「甩頭甩髻」，一看便知不新鮮，入口吃出蝦肉霉霉爛爛，真叫人失望。幸好大白菜清甜無渣，這小菜才不至於全盤皆輸。【酥炸墨魚餅】上菜時，明顯有香氣直沖鼻腔，新鮮熱辣。炸得通透的墨魚餅共有9件，外層微焦，內裡墨魚肉則彈牙爽口，不到10分鐘，便被我們消滅掉。【涼瓜炆鯧魚】不看不知道，一看嚇一跳，這魚好大啊！魚肉結實而沒細骨，可以放心大啖；涼瓜的苦澀在我皺眉頭前轉換成甘甜，口感豐富，份量也慷慨。【揚州炒飯】飯粒分明，配料細切，而且不油不膩，小山一般高度，只可惜我們都已吃飽了，硬生生划下肚子，囫圇吞棗。最後，要讚賞這小店的服務員，他們明顯人數不足，個個疲於奔命，卻仍認真

上星期收工打算唔煮飯, 就喺附近買兩個小菜返屋企食, 經過華記, 就買咗一盒燒汁薯仔安格斯, 魚香茄子。燒汁薯仔安格斯:薯仔粒大小相若, 配上燒汁, 少少甜, 好正, 好好味。安格斯亦都好入味,送飯一流。 魚香茄子: 都幾咸, 茄子吸晒油, 如果減少少鹽更好~

寫食評的動機係疫症下為艱苦經營嘅餐廳打打氣。個人一向有碗話碗，好食就纘。呢一餐主要係體會到店舖的用心制作，出品俘虜咗我的心。游水的倉魚當住你面前現撈，夠大條肉質夠丰厚，雖然係養魚但都食到鮮味。而且火候啱啱好最快上檯的燒味拼盤更正，燒肉脆皮，內里肉嫩多汁，有圖為證，睇到燒肉表面出汗狀態，好食。薑蔥蠔份量夠，而且隻隻肥美，配菜薑及蔥都俾得好多。海鮮豆腐煲就真係一般水準，但勝在煲仔燒得夠熱，上枱仲吱吱響咗幾分鐘，豆腐梗係熱啦啦，咁平凡都合格。店舖里行緊一半人手，落單出菜無往日咁快，大家漿就少少啦，共渡難關，明天會更好，加油💪！