漁樂場

Open Now

Now Closed

最近成日聽到朋友話呢間喺荃灣嘅新餐廳好好食，而且氣氛好好，今日終於有機會嚟試啦。你間餐廳6:00已經好多人排隊，所以大家上嚟嘅話一定要預早訂位。呢度嘅環境好靚，有少少以前嘅大眾會感覺，而且live Band非常高質，每晚都有唔同嘅表演者，但係每個都好好聽。首先我哋就叫咗個烤魚，一上台估唔到條魚咁大條，而且雖然佢話係香辣烤魚，但係食落又唔會太辣，唔食得辣嘅人都可以試吓。而且佢酸酸辣辣食落好開胃，魚肉非常嫩滑，煮嘅時間啱啱好，非常推薦大家嚟試吓。另外呢度仲有好多唔同種類嘅酒，我叫咗杯Cocktail，估唔到咁靚，而且價錢好平， Cocktail嘅樣非常適合打卡。另外嘅串燒都好高質，我哋試咗嘅入面我覺得最抵讚嘅就係雞軟骨，因為食落好香口，而且佢仲會有一個爐一直燒住，就唔怕食得太慢凍晒啦。呢間餐廳食物質素好高，而且唱歌都好好聽，好適合大家嚟gathering或者慶祝節日。