福岡漢堡扒 (厚福街) (Closed)

📌 福岡漢堡扒 (厚福街) - 尖沙咀厚福街11號地下A號舖🗓(9/4) 星期日 ⏰ 下午1點左右💈特式：襯住仲係假期，繼續出去搵特色好野食，去開尖沙咀嘅朋友都知厚福街出名多好野食，今日就同大家去試一間玩味重嘅自煎漢堡扒。🥩🍔🌭🌮🥗🥯🥘🍲🍝🍣🥟🍤🍱食物：好鐘意呢度有好多兩人套餐可以揀，慳返唔洗諗食咩，佢共有5款兩人套餐，我今日就叫左個Ver. 3，而家等我同大家講下🍔🐮味道先。二人套餐 Ver. 3 - 呢份套餐包左兩份中size和牛漢堡扒，沙律椰菜絲，麵豉湯，一個主食同兩罐罐裝飲品。芝士蛋蒜和牛漢堡扒，上枱時個漢堡仲係全生狀態，size有我拳頭咁大球，望上去肉質都幾新鮮，我先將佢分成4份再逐份煎；佢地標榜係選用高質嘅牛肉，我眼見油脂都好豐富，所以放上舊熱石上煎時都會濺出唔少油脂，每邊煎2~30秒左右就已經食得，食落好香牛脂味，肉質鬆軟，唔會好似出面d漢堡扒咁死死實實；個蛋汁底就無乜特別，不過夾埋佢附上嘅泡菜一齊食，再索埋少少煎漢堡扒時流出嘅牛脂油，成件事就變得不一般。月見味噌牛丼飯，呢個牛丼飯份量真係好大，其實一個成年人淨係食呢碗飯已經夠飽；篤開橙黃色嘅日本雞蛋黃，任由d蛋汁慢慢流入