粗菜館

Open Now

Now Closed

係九龍城覓食，花多眼亂，終於決定嚟呢到試下d高胆固醇食品 : 豬雜。六個人叫咗都幾多餸，但都全部掃清。記得嘅有:薑葱炒豬雜：極力推介，薑葱嘅香味令豬雜唔怕有一陣"so"味，而豬雜亦炒得火候剛好，生腸夠脆，豬膶爽脆得嚟而入面夠嫩，豬肚唔靭，好好食家鄉煎魚餅：叫咗一碟意猶未盡，再叫多一碟，一樣食晒。魚餅落足魚肉，冇乜溝粉，夠彈牙夠鮮甜，煎（或者炸）得唔過火，外脆內滑，唔駛點蜆介都非常正。東坡骨：排骨用東坡肉嘅煮法，有ｄ人覺得甜咗一ｄ，但自己就覺得甜得嚟幾討好，而且個排骨炆得夠騷軟夠淋。炒菜同魚湯勝瓜：兩個清清地嘅餸都幾好，前者唔油而勝瓜清甜。口水雞：唔係心目中四川式嘅口水雞，主要用麻醬加ｄ辣油，鍾意食辣肯定覺得唔夠候，但味道都還ｏｋ。乳鴿: 鴿身都幾大隻，唔算"乳"鴿，個鹵汁幾好味，算唔錯。地方雖然一般（我坐係樓下，唔知樓上點樣），但食品水準真係好，而且招呼幾好，價錢算相宜，會再試。