羅麥記 (V City) (Closed)

其實我一直都係屯門住，好多時都想羅麥記試吓，不過成日都諗住下一次先試，因為始終係茶餐廳晚餐唔係好想食！今晚終於有機會試，因為唔係好肚餓所以諗住食下啲小食，入咗去之後先發覺佢哋個餐牌好吸引好多嘢食想嗌！我嗌左個蔥油雞扒公撈仔麵，好多蔥油，非常惹味！塊雞扒好大大過我塊面，而且炸得好脆，雞扒好多汁，係炸雞扒嘅最高境界！我仲嗌左個芝士牛肉蔥油餅，其他茶餐都未見過，好奇心驅使之下膽粗粗嗌左黎試！芝士份量好多能夠做到拉絲效果，牛肉同埋蔥油餅嘅味好夾，熱辣辣好好食！蔥油餅索晒啲牛肉汁，一食就停唔到口🙂