日升美食店

Open Now

Now Closed

大家成日都話熟食中心入面有好多好嘢食。今日去左旺角嘅街市試下呢間唔算好出名嘅大排檔。鋪頭好貼心準備左熱水俾我地洗杯同碗筷。環境都坐得幾舒服同闊落。豉椒炒黃鱔 🐟我幾鍾意呢道菜，黃鱔好入味同幾彈牙，但又唔會過鹹，如果青椒可以再入味啲就好。不過黃鱔有少少碎骨。芥末炒排骨 🐷芥末嘅味道好突出，但唔攻鼻。成道菜嘅調味都比較重，避免芥末嘅味道喧賓奪主，所以我自己覺得有啲太鹹。但排骨炸得幾香口，肉質都唔韌。蝦醬通菜炒鮮魷 🦑魷魚好嫩好爽口，唔會炒到過老。我個人鍾意食通菜嘅葉多啲，通菜嘅莖比葉嘅部份多。鹹魚雞粒炒飯 🐔雞肉係連皮，炒得幾香，但鹹魚嘅味道唔係好明顯，同埋偏油少少。