蔦 (Closed)

朋友介紹來這間拉麵店。話說佢之前有優惠劵來消費時食咗呢個商場兩間日式拉麵店。佢話呢間好食d, 咁咪嚟試下呢間摘星拉麵店吧！個人而言有無星加持其實無乜影響自己的選擇。反而朋友口碑比較睇重一點。首先這店可供選擇嘅拉麵唔多, 品種唔多應該係考慮操作上嘅難易度。好處係員工更易熟習操作保持一定質量。更加專注單一技術。易於管理日常營運。黑醬义燒拉麵$124 湯底麻油味重蒜片亦有幾大份量不能忽視, 但本身豬骨味都濃沒有太重調味風格自然。义燒簿切幾片係重點。雖則簿片但肉味豐饒。黑松露醬油义燒拉麵$134 黑松露只是個點子, 那一小堆只夠一口。瞬間即逝。义燒還是那幾片。醬油湯不濃不膩。日式炸雞塊(5件) $45 即做嘅炸雞哪有不好吃嘅道理? 傳統的片栗粉炸雞塊配半個日本青檸顯示出誠意同店方注重細節, 亦突顯日本人那份堅持。即使用泰國青檸會平易很多。但那就是泰國味道囉！此店有加一收費。每一樣食物都甚為歡喜下次有機會必定會再來。