Hashtag B

Open Now

Now Closed

之前已經評論過Hashtag B (尖沙咀分店)，質素一樣，應該是因為製作統一吧。唔知邊度見到4:00?4:30？會出爐，今次5:30點去到，只有小排隊，全部款都好齊。啲branding包裝真係做得好靚// 拿破崙焦糖千層撻第一啖咬落去就有超香濃嘅焦糖味湧出，仲有超脆嘅拿破崙千層皮！個蛋漿部份好濃郁蛋味同焦糖味，口感亦都十分滑。比bakehouse大件，不過佢價錢都貴過bakehouse$6。Bakehouse係賣酸種蛋撻，撻皮係酥啲，焦糖味就冇咁出（但留意佢係冇標榜焦糖撻，所以其實不能等同比較），Bakehouse內餡就比較厚同滑，啖啖肉居多。個人以性價比，同喜好蛋漿而言，會選擇返Bakehouse •特別喜歡bakehouse個蛋撻攞上手係好似攞緊一個枕頭，厚厚的、內餡軟腍腍，個滿足感比較大。上次試咗開心果撻，覺得撻嚟講去到$30真係有啲啲太貴，味道都去唔到預期中，個人覺唔值。今次見到開心果酥，以酥嚟講價錢都ok值得一試。// 開心果酥Donut like but 牛角酥質地，大件，好酥好多層，好有空氣感！內裏都有滿滿嘅開心果醬，唔會太甜太膩！食完好有飽腹感