三不館車仔麵 (登發街)

Open Now

Now Closed

經過三不館見到難得冇人等位，就決定今日係到食晏。先講裝修，三不管用九龍城寨風設計，再加埋啲懷舊音樂！成間舖頭都好有feel。冇黎一排，發覺三不館都多咗啲新嘢。今次要試咗新湯底沙嗲湯，要加$8，但味道不錯！另一碗叫做麻辣湯，一如以往好食！餸個方面，推薦豬頸肉、蘿蔔、餐肉！豬頸肉燒得好香脆，蘿蔔清甜無渣，餐肉都煎得好香脆脆地！三款都係必食！今次重試埋佢個口水雞，口水雞偏辣，雞滑身，不錯。最後想介紹埋佢個吉仔水，係其他地方冇見過。甜甜地，幾特別，冇試過可以試吓！