The Point Kitchen (奧海城二期) (Closed)

唔係朋友介紹都唔知原來尼間餐廳係食手工意粉！環境仲幾靚添，坐左成晚吹水都冇趕我哋走Dinner set 選擇幾多，不過好似散叫抵d烏魚子海鮮肉醬意大利貓耳朵好出色！貓耳朵好煙韌帶有淡淡麥味，海鮮肉醬有少少蝦粒，加上烏魚子好香口，味道豐富！搞笑地食食下覺得有上湯龍蝦伊麵嘅味道😂紅酒燴牛仔膝比起意粉相對失色，不過份量好大，兩個人差啲食唔晒。牛仔膝油脂唔多，所以肉味較濃，加上粟米蓉中和返味道，但略嫌紅酒味唔夠突出海鹽焦糖蘋果批熱辣辣上枱，份量唔算大，所以同朋友分享啱啱好，入面夾住一片片蘋果肉，配埋雪糕食唔錯