利苑酒家 (圓方)

Open Now

Now Closed

今日中午想去飲茶，諗起利苑，就去咗圓方飲茶。5個個叫左11個點心，仲有煲仔飯同甜品。食得非常滿足。利苑環境一向都唔差，服務還可以，偶有甩漏，但係員工態度都幾好。特別值得一提嘅係個臘味煲仔飯，啲飯焦好香好脆仲唔太黐牙，臘腸好食！佢上菜時仲已經分好咗一碗碗飯，同埋飯焦。我哋叫咗三人份量，但五個人都完全夠分。另外值得一讚嘅係個楊枝甘露，唔會太甜，幾好味！依家唔係好多酒樓仲有糖水飲。埋單每人二百幾！但食到好飽，中午去都幾抵食！