PizzaExpress (愉景廣場)

Open Now

Now Closed

得閒到愉景灣走走，享受一下遊閒時光。由於已經一段時間無去愉景灣，當時仲起緊既新廣場，而家已經整好，裡面仲多咗啲食店都好吸引，希望下次可以一試。至於呢間由於近碼頭，好容易就吸引過去幫襯。先講下2個pizza，分別係特級瑪嘉麗塔皇后簿餅同香烤鷄肉簿餅。皇后簿餅因為有我鐘意食嘅水牛芝士，雖然個餅簡簡單單無乜其他料，不過單食呢個芝士味已經非常足夠。反而鷄肉簿餅就無香芝士味，又無烤雞香味，而洋蒽味好出，稍為奪左少少味。不過2者都係簿底pizza，建議襯熱食，唔係凍左又淋曬就唔系咁好。跟住有肉醬千層闊條麵同卡邦尼忌廉意粉。由於闊條麵關係，好似攪到唔夠肉醬咁，雖然啲麵好食，但撈唔均啲醬。卡邦尼意粉就略為咸左少少，不過勝在撈埋啲意粉平均返啱啱好。直落甜品焗麵包球同心太軟。麵包球質地似麻薯但又硬返少少，本身無味，所以一定要點朱古力。而心太軟出嚟熱辣辣，配上雪糕非常特別。不過雪糕就要快食，唔係就溶得好快。呢間pizza價錢就高咗少少，不過貨真價實，起碼比返靚料同足料。如果一班人食，除返開就唔覺貴，呢間值得大家一試。