德美壽司

Open Now

Now Closed

香港人始終係香港人，對日本嘢食真係情有獨鍾，早排先喺黃埔食過德美，但係今日喺尖沙咀約咗朋友，突然間又好掛住佢嘅味道，於是就決定嚟尖沙咀呢間分店食晚餐。間餐廳嘅裝修全部都係用木為主，都俾人一種好舒服嘅感覺，不過始終尖沙咀區好繁忙，所以一到晚飯時間一定要大排長龍。今次我哋叫嘅嘢當然都有返咁上下水準啦，簡單啲嚟講就係好食！小食就首先要咗一個紫蘇沙嘴魚海膽天婦羅，紫蘇葉真係勁香，配埋酥脆嘅天婦羅就有一浸特別嘅香味，而海膽就令到入邊更加creamy，更加好食，而我哋每人都選擇叫咗一個dinner定食，朋友就要咗鰻魚飯定食，鰻魚好肥美，加埋醬汁同啲飯一齊食真係勁好食，蛋絲都好多，切得好細，真係好考廚師刀工，而我就要咗一個壽司定食配牛肉烏冬，總共都有六款壽司再加埋玉子燒，種類都算多，而且牛肉烏冬嘅牛肉都絕對冇蟹，烏冬湯底亦都唔會過鹹，最主要就係其實都會配埋麵豉湯，沙律同埋甜品。今日嘅甜品就係芒果奶凍，唔會太甜，都幾清新，呢一餐真係好滿足。