榕易燒泰式串燒專門店 (Closed)

觀塘一向都出名多美食，無論係街邊小店、樓上Cafe，或者係泰國菜日本菜韓國菜，都一應俱全，而且質素都有返咁上下保證😝。今日小編就嚟到APM後面嘅廣袤中心食好西，上到嚟2樓就見到有一間泰國菜專門店，呢度除咗有地道泰國菜之外，仲有串燒食😆，最chill嘅係舖頭後面仲有一個戶外區，真係好正🤩，不過可惜當日外面已經full Booking，小編唯有坐喺室內嘆美食。。招牌海鮮冬陰功$108好香濃嘅冬陰功湯，好重蝦味，亦都好有椰漿味，辣度啱啱好，飲落海鮮好鮮味，同泰國當地嘅冬陰功湯絕對有得比😍。。泰式炒通菜 $58幾有泰國風味，少少鹹少少辣，而且通菜好爽口，咬落好有口感👍🏻。。香辣海鮮炒飯 $88炒飯炒得好乾身，每粒飯都粒粒分明，而且配上各款海鮮同菠蘿炒埋一齊，幾好食😁。。燒完條蒜蓉茄子 $34只要去到串燒店，基本上小編都一定會Order一份燒茄子，茄子都係小編其中一樣最愛嘅嘢食❤️。而呢間店嘅燒茄子亦都非常之出色，蒜蓉味好香濃，茄子亦都好大條。火候控制得好出色，燒得啱啱好，入味之餘，亦都唔會燒得好乾身。推薦😍。