麵麵俱到

Open Now

Now Closed

今次又去咗元朗覓食，見到呢間餐廳嘅嘢食好特別，湯底係日式嘅湯，但係又可以揀港式全蛋麵，就決定入去試吓🫶🏻我哋叫咗個麵全食，入面有牛肋條、豚軟骨、蟹肉等多款配料，非常豐富🤤麵底就揀咗讚岐烏冬，煙靭得嚟索晒壽喜燒湯嘅味😗成碗麵最驚喜係豬皮脆脆，佢炸到非常香口，食落完全唔會覺得油膩，令到碗麵口感更有層次💕仲可以加$20升級套餐，有多個唐揚雞同野飲，好抵食👍🏻另外再叫咗個蟹肉海老鮮蝦味噌湯麵，個湯底好鮮甜，大蝦爽口彈牙，蟹肉亦比得好多，份量十足🤪麵底就揀咗香港傳統手工蛋麵，彈牙之餘有蛋香味，同湯底亦都好夾🫶🏻整體我覺得餐廳食物質素好好，港日嘅配搭亦都好特別，推薦大家試吓✨