陶園燒臘飯店 (Closed)

經過呢間遠近馳名嘅燒鵝店，都係第一次幫襯，門面有好大隻鵝公仔著住件衫，好盞鬼，呢間就係陶園燒臘飯店。呢間已經好多年，好有歷史，而且好出名係用荔枝柴秘製脆皮燒鵝，所以真係好好食，舖頭入面除咗可以外賣之外，仲有座位可以堂食。我經過嘅時候，已經見到有兩位喺度排隊買緊， 真係好出名好多人食呀！原來價錢仲好大眾化，中午同下午茶都好抵，有燒鵝瀨粉都係45蚊，另外仲有叉燒拉麵， 都係38蚊。最後我買咗左下裝燒鵝同埋叉燒嚟 斬料，都係百零蚊！ 燒鵝真係皮脆肉嫩，而且仲有肉汁，肥瘦適中，好好味，好香，食落又唔會好漏，佢仲配埋三包酸辣醬，其實吾洗點醬仲好食，原汁原味！另外叉燒燒得岩岩好，外面脆入面軟，吾會好乾好老先最好味，而且價錢好合理，一大盒先40元，真超值。價錢味道好，服務都好好，等緊期間有講有笑，深得一班熟客仔愛戴，我第一次光顧都覺得d人好nice，這都係留住客人之道。