Video
Read full review
2024-06-02
82 views
琴日同老婆行去尖沙咀買嘢，經過呢間餐廳門口，見餐廳個名咁特別，就行左入去試環境方面：餐廳主打hiphop潮流風格，各種各樣嘅飾品同打卡位營造咗個幾養眼嘅環境。加上啲裝飾唔少驚喜，氛圍真心唔錯。服務方面：職員好有禮貌，態度良好，耐心介紹食物，更加推薦唔同既食法比我地。職員講英文，令餐廳既質素高咗一級。上菜速度亦都好快，餐廳質素實在唔差。食物方面：主菜-- 2人份spanish paella味道層次非常之豐富，一啖落去首先係淡淡地嘅甜酸，然後係jalapeno peppers 嘅衝擊，加上唔同海鮮作為配菜，尤其是係炭燒魷魚嗰陣濃郁嘅炭香味令到成道菜更上一層樓。-- 好邪惡鹹蛋牛油果蟹肉比薩餅底係薄低，鹹蛋同埋蟹肉既組合好特別，意外地好食。加上比薩上面有沙律解膩，搭配牛油果既濃鬱，令到成個比薩好多層次，個人一定會encore。飲品:我哋總共嗌咗兩杯嘢，一杯 荔枝烏龍茶 同一杯strawberry milkshake。杯milkshake就真心正常嘢，冇咩特別，係唔差嘅。杯烏龍茶有肉桂條增加香味，同埋頂上兩粒新鮮既荔枝都加左肉桂粉，令成杯茶好有香味，好解膩。總結：環境舒適，服務都好好，味道一流
環境方面：
餐廳主打hiphop潮流風格，各種各樣嘅飾品同打卡位營造咗個幾養眼嘅環境。加上啲裝飾唔少驚喜，氛圍真心唔錯。
服務方面：
職員好有禮貌，態度良好，耐心介紹食物，更加推薦唔同既食法比我地。職員講英文，令餐廳既質素高咗一級。上菜速度亦都好快，餐廳質素實在唔差。
食物方面：
主菜
-- 2人份spanish paella
味道層次非常之豐富，一啖落去首先係淡淡地嘅甜酸，然後係jalapeno peppers 嘅衝擊，加上唔同海鮮作為配菜，尤其是係炭燒魷魚嗰陣濃郁嘅炭香味令到成道菜更上一層樓。
-- 好邪惡鹹蛋牛油果蟹肉比薩
餅底係薄低，鹹蛋同埋蟹肉既組合好特別，意外地好食。加上比薩上面有沙律解膩，搭配牛油果既濃鬱，令到成個比薩好多層次，個人一定會encore。
飲品:
我哋總共嗌咗兩杯嘢，一杯 荔枝烏龍茶 同一杯strawberry milkshake。杯milkshake就真心正常嘢，冇咩特別，係唔差嘅。杯烏龍茶有肉桂條增加香味，同埋頂上兩粒新鮮既荔枝都加左肉桂粉，令成杯茶好有香味，好解膩。
總結：環境舒適，服務都好好，味道一流，價錢雖偏貴，但考慮到環境，食物質素和地段，亦算合理，不妨一試。
Post
