吉豚屋吉列豬扒專門店

Open Now

Now Closed

呢排口淡淡，好想食啲香口嘅嘢食。行過荃灣，發現嗰幾條天橋已經開通左，相連嘅幾個新商場已經陸續準備開啟。今日就去咗其中一個商場嘅新鋪頭食日式炸豬扒。未行到入去嘅時候就已經聞到好香嘅炸豬扒味，餐牌可以選擇嘅款式唔算太多，所以我都好快就揀咗要食邊一款，對於有選擇困難症嘅我非常好。呢個吉列豬柳泡菜湯烏冬，個豬扒真係冇得頂，炸得非常之香脆。而個烏冬就正常水準，希望有機會會推出蕃茄味湯底，應該都唔錯。另外呢一個係和風吉列豬扒飯，佢個醬汁非常之有日式味道，甜甜香香，價錢非常之便宜， 10分抵食之選。