KiKi麵店 (海之戀商場)

Open Now

Now Closed

今日去到荃灣既海之戀商場一樓入面等上一間好有特色嘅台灣小食店，餐廳沿途風景除咗非常優美，到而完全望住全海景之外，亦都有唔少貓貓嘅裝飾喺枱又或者喺店舖嘅四周圍！今次朋友想試下呢度既皇牌，鵝油拌麵、入面仲有珍貴嘅鵝胗，呢樣嘢唔係周圍都有得食，另外鵝油拌麵味道亦清新，像冷麵一樣夏天食有種透心涼感覺！鵝油亦都有青菜、鹵水魚腐、鹵水豆腐、鹵水鵝肝、鹵水魚腐鮮甜嫩滑，爽口彈牙！鹵水鵝肝入口即溶特別難忘！之後再叫咗個鮑魚青菜麵線、估唔到入面仲有兩塊好滑嘅花膠，食落去有種好似入口即溶嘅感覺，好滑又好味！麵線湯汁清淡自然！食落去唔會令人覺得好似味精湯料口渴個種感覺之後再叫咗杯紫薯鮮奶同我最愛既蛋餅，呢個蛋餅嘅特別之處就係利用左芋泥！芋泥濘都蛋餅嘅味道完全不一樣！出麵食嘅蛋餅通常都係偏鹹味為主，呢一隻係可以當甜品去食用！包括仲有軟綿綿既肉鬆可以令我食出更愛既口感，蛋餅內軟外脆，真的好鐘意食佢一定必試！最後再叫咗個綠茶紅豆卷蛋做最後既甜品！綠茶卷蛋本身已經係一個好夾嘅組合！再加上牛乳味令我更加喜愛，地址: 荃灣大河道100號海之戀商場1樓1011號