莆田 (美麗華廣場2期) (Closed)

莆田係香港有好多間分店,今日就同朋友一齊試下美麗華呢間啦, 而家莆田做緊莆田海蠣節,其實都幾抵$188可以係佢個海蠣餐牌入面六選二,咁我地凈係揀左一個福建特色海蠣煎, 另外我地仲叫左酥炒芋芯, 興化炒米粉,自製豆腐,砂鍋魚湯同黃金荷葉包。福建特色海蠣煎其實同我地食開既蠔餅係好似,但佢就無咁多油,唔係鬆化,而係好似煎蛋咁比較乾身,我就鍾意呢一款多啲,因為無咁油,唔會咁膩。酥炒芋芯真係好好食,外層酥脆,有少少甜味,而入面既芋頭係好粉,但又唔會乾,一唔小心就會係咁食,興化炒米粉係我每次去都會食既,因為佢好多料,而且米粉係好幼身,食落口係好綿,但又唔會太乾,又唔會一餅野咁,真係好好食,如果米粉再多啲就好啦,自製豆腐就普普通通既豆腐,醬好香,豆腐都滑,砂鍋魚湯係奶白色既湯而且仲有煎過既魚係入面,湯都鮮甜,四個人每人都最少飲到兩碗,黃金荷葉包就係用好似炸饅頭既包夾肉絲炒洋蔥,由於係最後先黎,我地又食到好飽,大家都食凈左啲,但總括黎講個黃金包都好食既。