米拉 (Closed)

平時行過都冇留意，原來觀塘東廣場地下有咁多野食，揀左呢間叫米拉嘅台灣食店，因為突然好想飲台式珍珠奶茶。食店雖然地方唔大，外面有兩張枱；飲品有幾多選擇，另外有小食或者套餐，我同朋友都叫左芝士牛肉包套餐，套餐包一杯指定飲品，補差價可以轉其他飲品；另外，我地仲叫左小食，有雞翼同台灣香腸。香焗雞翼雞翼一杯三隻，腌得好入味，烤得幾香脆。台灣濃香腸有蒜香味同蜜糖味揀，蜜糖味香腸係黑色嘅，非常特別，唔好睇佢咁嘅顏色，味道其實唔錯。芝士牛肉包牛肉包幾大個，就咁睇已經見到入面夾住幾多牛肉，牛肉幾嫩幾香，除左芝士之外，仲加左芥末醬，夾埋一齊食好滋味，而且非常飽肚。香芋珍珠奶茶+芝士奶蓋珍珠奶茶好大杯，特別加左芝士奶蓋響上面，飲落非常香濃，香芋味更香。即磨咖啡朋友叫嘅即磨咖啡，朋友都大讚咖啡味好香醇。