秋意 (成業工業大廈)

Open Now

Now Closed

每一次都係諗住叫豉油雞便當，因為個賣相真係好靚，但到左落單嘅時間就會變咗豉油雞配湯麵。 （本係係個湯麵怪🤣）最鍾意豉油雞嘅雞皮甜甜地，雞肉又滑捋捋，唔會太老過熟。湯有雞味，我諗係用左啲雞骨去煲。湯麵會有豆腐卜同木耳，豆腐卜吸收左啲湯，簡直係正正正。朋友叫咗個蒟蒻麵，應該係用豉油汁去撈，喺面再加上芝麻。試左一啖，個麵本身已經有醬汁底，再加上芝麻，香味更加升級。已經喺心裡決定，下次要食蒟蒻麵。😍今次叫咗檸檬薏米水，對我來講比較甜。之前試過水果茶，力推。如果第一次食，強烈建議豉油雞配蒟蒻麵再加水果茶。環境乾淨，老闆同職員都好好禮貌。絕對係會想再去。溫馨提示：蒟蒻麵有機會賣晒㗎，要食就要早啲去，最好1點前。因為食到一半嘅時候，聽到後面新入嚟嘅食客想要蒟蒻麵，結果被告知賣晒。