舊機場車仔麵

Open Now

Now Closed

去啟德除咗去airside之外，隔離都仲有好多嘢食㗎，我就去咗隔離嘅啟德1號佢有一間叫做舊機場車仔麵嘅餐廳，佢嘅裝飾好有機場風味。然後佢嘅車仔麵都好特別，佢可以配一碗麵同一條魚，係原條上，真係好特別。而且只要65蚊，價錢亦都好實惠。不過一條魚對我嚟講太多啦，所以我揀咗鮑魚餐同埋四餸套餐。佢嘅鮑魚餐嘅鮑魚好大粒，而且有成三粒咁多，跟住我仲配咗牛腩同埋蘿蔔，清清甜甜都幾好食。另外車仔麵梗係有得揀唔同嘅面底同埋辣度，所以都食得好開心，而且亦都有鴨血，豬膶同雞翼等等唔同嘅配菜。