都市樂

Open Now

Now Closed

今晚同朋友嚟到黃埔食飯，因為好耐冇食韓國菜，所以就試吓呢一間餐廳🫣我哋見好多人推介炙燒牛肩胛肉配飯，就嗌嚟試下，牛肉肥瘦均勻，重點係好香，有韓式醬油嘅味，食落都好淋，唔怪之得有人推薦🤣仲有個飯都好食，好似用咗珍珠米咁，呢個都幾值得一試！另外有啲幾特別嘅fusion菜式，我哋就嗌左泡菜忌廉意粉🍝賣相都幾靚，份量對女仔嚟講啱啱好，有好多好多泡菜，食落好開胃，原來同意粉都幾夾，想試新嘢嘅話都可以試下😝小食就嗌左炸雞球，份量都算多，食落都唔係好熱氣，啲肉好淋仲有肉汁🍗都幾抵食另外嗌咗檸檬氣泡咖啡，好有驚喜！係cold brew，口感好順滑，38蚊咁大杯真係好抵，鍾意cold brew嘅一定要試吓！