Explorer Fusion Restaurant (Closed)

突然好想食魚生飯，搵下近近地馬鞍山邊度有得食，就見到呢間西日fusion菜。果日lunch time岩岩開始無咩人一入去即刻有位坐。鋪頭整體比較暗幾有feel。睇menu魚生飯都有幾款花多眼亂，但要食梗係食盡佢叫左最多種樣果款！魚生飯未到就到左茶碗蒸、味噌湯同中華沙律，原來成個set包埋，我本身都勁鐘意食茶碗蒸同飲味噌湯，呢個set滿足哂我三個願望！茶碗蒸上枱仲燙手熱辣辣，唔好以為一路興住食到尾會熟得瀉會鞋口，係由頭滑到尾入口即溶，而且好香木魚味！唔係跟set都想再encore😍到主角魚生飯，魚生新鮮鮮甜，最surprise反而係個醋飯，食落醋味比之前食過既魚生飯出，但出得黎又唔會搶左魚生既鮮甜味，反而仲互補令成碗飯更加鮮味！我相信淨飯都可以食多碗🤣真心未食過咁好食既醋飯，成件事事半功倍！講講下又心郁郁想食多次啦😍