Read full review
2019-04-05
1478 views
門口阿姐D態度真係「好」到爆本身佢態度都唔係好welcoming,到我地問佢有關於一D用餐優惠嘅事宜,佢D態度就差上加差,又黑面,語氣又差,好似好唔想我地幾個𡃁妹入去食野咁,定當我地係 _ _?(openrice唔比我作出過份或不合理猜測)入到去,我地坐左喺一張四人枱,但得三份餐具。有一個員工拎餐具同餐枱紙黎嘅時候,佢又係黑口黑面,擺低D野嘅時候又用行動表示我要幫佢手咁。其實我都明做客人唔係大哂,但呢間餐廳咩價位,佢行咩路線,唔係仲要個客幫你擺餐具呀?!到我真係幫左佢,佢咩表示都冇,態度真係超級奉旨,想點?你地覺得可以我係奧客,但我覺得喺D所謂「高級」少少嘅餐廳,呢D服務態度真係不能接受。喺食野前已經受落咁多氣,我地幾個都已經冇咩期待嘅感覺,只係想快D食完快D走==好彩其他員工都正正常常,D野食都好食,條氣先冇咁頂。麵包幾軟熟同香口,唔錯。risotta就冇咩驚喜,飯都係比較濕,味道都係預料之內,幾香嘅,料都足。不過整體質素未係對得住個價錢。黎到佢地最出名嘅龍蝦意粉。果然唔係浪得虛名,真係好食。個忌廉汁唔會太濃,所以唔會膩,但保留到個忌廉味,好唔錯。意粉冧得黎係彈牙嘅。可惜嘅位係龍蝦肉
本身佢態度都唔係好welcoming,到我地問佢有關於一D用餐優惠嘅事宜,佢D態度就差上加差,又黑面,語氣又差,好似好唔想我地幾個𡃁妹入去食野咁,定當我地係 _ _?(openrice唔比我作出過份或不合理猜測)
入到去,我地坐左喺一張四人枱,但得三份餐具。有一個員工拎餐具同餐枱紙黎嘅時候,佢又係黑口黑面,擺低D野嘅時候又用行動表示我要幫佢手咁。
其實我都明做客人唔係大哂,但呢間餐廳咩價位,佢行咩路線,唔係仲要個客幫你擺餐具呀?!
到我真係幫左佢,佢咩表示都冇,態度真係超級奉旨,想點?
你地覺得可以我係奧客,但我覺得喺D所謂「高級」少少嘅餐廳,呢D服務態度真係不能接受。
喺食野前已經受落咁多氣,我地幾個都已經冇咩期待嘅感覺,只係想快D食完快D走==
好彩其他員工都正正常常,D野食都好食,條氣先冇咁頂。
麵包幾軟熟同香口,唔錯。
risotta就冇咩驚喜,飯都係比較濕,味道都係預料之內,幾香嘅,料都足。
不過整體質素未係對得住個價錢。
雜菌意大利飯
$190
40 views
0 likes
0 comments
黎到佢地最出名嘅龍蝦意粉。
果然唔係浪得虛名,真係好食。
個忌廉汁唔會太濃,所以唔會膩,但保留到個忌廉味,好唔錯。
意粉冧得黎係彈牙嘅。
可惜嘅位係龍蝦肉實在係少,所以都係覺得性價比未如理想。
波士頓龍蝦意大利幼麵 . 龍蝦忌廉汁
$290
43 views
2 likes
0 comments
黎到見到牛扒咁大塊同咁嘅賣相,以為中左伏,點知係出奇地好食😂
烤美國黑安格斯西冷牛扒 . 薯條
$280
44 views
2 likes
0 comments
我地叫左medium rare,佢地有做到。
肉好冧,好香口。
伴碟嘅蔬菜都好香。
薯條好好食
烤美國黑安格斯西冷牛扒 . 薯條
$280
38 views
1 likes
0 comments
Post