鮨丼 (Closed)

這次經朋友介紹，來到尖沙咀呢間新開無耐嘅日本餐廳，鮨丼。點菜後，每一樣飯均有一湯一沙律一甜品，湯料充足，有蜆肉，菇等，看圖。。。我地食左3個丼飯， 【鮨丼自信作雙層丼飯】，【吞拿魚大腩刺身丼飯】，【北海道馬糞海膽丼飯】，我同朋友一致以為【北海道馬糞海膽丼飯】都值得再來呢間餐廳食!!!!6月份是馬糞海膽的當做季節，海膽色澤以橘色為主，份量較多，肥大肉厚，食落非常之新鮮，入口隨即在嘴裏化開，甘香濃郁，而且好鮮甜，一d腥味都無，再配上一隻窩蛋一齊食，真是好吸引女士們！！講到【吞拿魚大腩刺身丼飯】，未入口已被賣相深深吸引，清晰可見嘅油花，未食已經可以想像到入口時將會爆發嘅油香。一入口簡直是人間極品，入口即溶，油香充斥在口腔，幸福感覺即時湧現！【鮨丼自信作雙層丼飯】作為我第二喜歡的丼飯，上層是海鮮刺身，有帶子，鮑魚，帆立貝等等，好鮮甜；下層則是鋪滿了切碎的魚生飯，甜蝦特別新鮮，魚生份量多，口感十足，味道十分不錯，而且價錢合理！！鮨丼我地會絕對會再來光顧，值得推介！！