鮨丼 (Closed)

好姊妹生日飯! .睇另一 blogger 介紹去試海鮮拼盤, 點知大失所望...😡 反問店家為何同 blogger 所影出嚟嘅有咁大分別, 店家竟然話 : blogger 介紹嘅係貴版, 已同 blogger 反映....😒 但係我落 order 時, 店家完全無平 / 貴拼盤比我選擇 lor, 我專登喺訂枱時話明要 blogger 介紹嗰款, 點知出到嚟係咁樣一落 order 唔駛2分鐘已經上燒 & 焗海鮮, 全部都係凍嘅! 唔知幾多個鐘前焗定! 😠.又唔好食, 又唔新鮮! 😠😠😠.食多個魚生飯, ok 啦, 魚生係新鮮嘅! 之不過完全未飽, 但係已經乜都唔想再試 😠😠😠😠😠😠😠😠😠😠 走人! 🏃 落街買份雞蛋仔好過!

環境唔錯，坐得幾舒服。壽司有驚喜，好新鮮，好好食，唔貴，抵食，另外串燒都唔錯，上菜快。雖然選擇好似唔太多，但整體黎講，環境，服務，食物都ok既，同朋友慢慢食，飲酒傾計都相當唔錯，會再黎既

由於上次食過翻尋味，今日決定再訪鮨丼打電話訂位既時候店員告知上次食既海鮮盤由$68六樣海鮮改為$48四款海鮮但唔緊要，都無阻我要再訪既決心因為上次食完覺得質素都唔錯-晚上7時到，有好多位，令我都覺得奇怪點解咁少人食但唔理了，落單先友人想食油甘魚刺身，$68四片都算厚切，肉質嫩口，但如果更多油脂就更好-我係芝士年糕迷，所以實唔會放過任何一次食既機會呢款係烤既，唔油，不過不失$48 海鮮盤包一人兩隻蝦，一隻熟蠔，貴妃蚌同帶子呢個貴妃妦好有肉地好好食！搞到唔食得辣既我忍唔住要食芝士焗帶子依然都係大大粒！好食！又夠芝士佢既蒜蓉蒸蠔雖然相對細粒，但好入味-海鮮盤繼續係以性價比高吸引住我仲叫左豬大腸同雞翼串燒大腸唔臭得黎好香口雞翼鹽燒到個皮有少少脆，亦都好入味！大推 一串$18抵呀！-食完一堆小食，主菜就係鰻魚飯嚕我地兩個女仔見到條鰻魚就：「哇」左出黎因為真係比想似中大條好多！睇個樣可能以為咁大條可能係薄薄既鰻魚，點知一咬落去。。。原來都厚厚地兩個女仔share一個飯+一堆小食，飽哂！友人話佢平時唔太食鰻魚但都先覺得呢個鰻魚飯好食！套餐有埋好足料既味噌湯-睇下我地張枱，搞到好似食放題咁想食刺身，又

知道有間有超正嘅海鮮盤食，包括有元貝、貴妃蚌、大蜆同蠔，急不及待約埋朋友試一試，果真海鮮又新鮮又好味，我哋再叫左口魚邊拼三文魚🍣飯同自選飯揀選咗北海道海膽+䖠立貝+油甘魚，甜點就焦糖香蕉🍌(老闆請食)超正值得試試

收藏左呢間餐廳一段時間，終於有時間去食打電話黎confirm booking既時候話留左海鮮盤，到時可以再決定要定唔要原來！$68每人有6款海鮮加三文魚食預約前真係完全唔知-一人一隻芝士扇貝，好香口，絕對唔係細細粒肉一人兩隻大蜆～蒜蓉蠔都好好味貴妃蚌一人一隻，肉質鮮甜仲有凍盤既鮑魚同蝦，飽魚彈牙得黎又唔會太韌～仲有埋三文魚刺身$68有咁多款海鮮真係超值，一路食一路心諗：仲有既？係咪我地架book枱時先知既呢個優惠令我地喜出望外，絕對唔係將貨就價-我地一行三人每人都叫左個丼飯但食完海鮮盤我地都大半飽了，哈哈三款海鮮丼最令我深印象係左口魚雖然味道偏咸，但因為燒到半溶狀態，一入口油脂就係口內徘徊，好幸福既感覺海膽三文魚丼略續刺身份量較少，三文魚都唔係厚切-飯後甜品，一人兩粒泡芙仔，好食-總結，會再黎食海鮮盤，但唔會再海鮮盤完一人一個飯，因為真係太飽啦～可能三個人share兩個飯再加小食都想試下佢個鰻魚飯，今次黎都見到好多人食

晚上黎個小慶祝飯局，朋友訂左呢間鮨丼仲預訂埋每人一客海鮮丼($68)首先黎個冷海鮮盤先，有鮑魚、大蝦同三文魚，每樣食材都好新鮮呀之後黎個蒜蓉燒蠔同芝士扇貝。左邊個蠔唔係太大驚喜，但右邊個扇貝真係必食！芝士味好濃！海鮮盤仲包括呢個麻辣大蜆，第一啖食落真係幾辣，但其實係好惹味，一人一隻實在太唔夠喉喇之後就上我地另外單點嘅燒物喇，第一碟上嘅係show facebook message送嘅蕉糖香蕉🍌佢有層薄薄焦糖皮包住，好甜好好味蜜糖雞中翼，食到肉汁完全鎖緊晒d蜜糖，好juicy好難得有燒秋葵食呀，大家都一致比呢個滿分！牛肉金菇卷，一口卷，食落又係十分juicy,個甜燒汁又好夾到呢個係好特別嘅沖繩黑糖燒菠蘿，反而真正豈沖繩都無食過。個燒菠蘿又係包住層蕉糖皮架，份量仲比相像中多，一串都有成三大舊牛油芝士焗雜菇同汁燒免治雞軟骨檸蜜牛油包。見個配搭咁特別於是就嗌左。唔敢食晒成舊牛油，太heavy喇。呢個包既特別又好味煙韌蜜糖年糕途中其實發生左個小插曲，話說原來我地成份點單紙都落漏左，店員除左道歉仲幫我地跟進，態度非常好。其實我地都冇太大所謂，黎番齊野食就夠。點知餐廳都十分客氣，前前後後請我地食左幾款

一般黎講刺身飯好唔好食都係取決於有幾新鮮？！咁岩上網搵尖沙咀海鮮丼飯，第二間彈出黎就係呢間那 😩Lunch set 特尚海鮮丼飯$ 118 （仲要加一）赤蝦，三文魚，油甘魚，帆立貝，三文魚子（仲有兩件蛋）本身應該跟左 小缽，沙律，味噌湯，甜品 好可惜既係 ：下午時間客人本身已經唔多，但店員居然連小缽，沙律，味噌湯都唔記得上 😪 刺身本來就已經絕對唔係出色 食到咁上下都未完，店員就上甜品 （兩件士多啤梨泡芙）如果以 $ 130 埋單黎計，真係好失望

上網見到呢間餐廳既海鮮拼盤由$168減到$68，有六款海鮮望落都幾吸引就搵埋朋友黎試下。拼盤:扇貝: 加左蔥同蒜蓉黎燒，蒜蓉味道好重有少少蓋過左海鮮既味，但隻扇貝都燒得岩岩好，唔會乾哂貴妃蚌: 加左麻辣粉，雖然辣粉好香口，但辣到食唔到蚌既味道。蚌煮得岩岩好，咬落彈牙又唔韌蝦: 幾大隻，蝦肉結實，點少少豉油食唔錯鮑魚: 熟度岩岩好，加少少檸檬汁再點少少豉油更加好味三文魚: 好厚身，咬落有少少入口即溶既感覺蠔: 加左芝士黎燒，唔係好夾但隻蠔幾肥美蜆: 味道普通，加啲調味會好啲燒牛舌: 好香好好味，調味、肉質都好，但細份左啲麻辣雞翼:保留到肉汁，辣粉都係太搶味雞軟骨: 味道唔錯芝士蒜蓉包: 幾香但冇乜芝士

中午咁岩黎開尖沙咀做完野，又未走得咁就搵下附近有得醫肚既地方結果行行下就搵到呢度Set lunch 前菜都幾多野食有沙竹律，醋漬物同埋面豉湯呢個海膽炙燒帆立貝三文魚籽飯成碗都滿滿既刺身份糧一啲都唔惹少燒過既帆立貝更加帶出個鮮甜味三文魚籽 撈 海膽既 組合絕對無錯鮮。甜。香牛舌燒燒定食佢除咗牛舌仲有秋葵，手羽，同埋甜薯牛舌夠厚！又多汁甜薯燒到岩岩好皮夠乾身，內裡軟熟佢重有三種刺身跟埋有帶子，三文魚同埋蝦滿足哂我地又想食刺身既慾望壽司七貫加烏冬帶子，三文魚，赤身，北寄貝，海蝦，同埋海膽加埋個烏冬就岩岩好日式茶點今個中午好滿足呀

book咗枱，上到去廿九幾萬人等，無人理你，聽其他已在場人士講，就算book咗7:30,到咗8:30都未有枱，亦無人理，個老細縮埋入面，問親都話個reception行開咗，唔通咁大間鋪，無咗個reception 就運作唔到？真係免費都要考慮吓

第一次食，環境唔錯！餐廳服務都好好！海膽飯值得一試，本新我唔太夠膽食海膽，因爲擔心會有陣味！但唯獨呢間我會一試，海膽不但新鮮，而且鮮甜，每一啖海水味都湧出😋另外都試左個麻辣鴨舌同焦糖香蕉，廚房即時製作，味道濃郁👍🏻👍🏻因為坐係吧台關係，廚師同我地有互動，聽住歌進食，格外愉快🤗

中午跟同事們來到一間位於樓上舖的日式食肆食晏,估唔到這間的set-lunch真是好好食哦!我叫了個頂級牛脷串燒定食, 大家一人一個餐之余, 同事們也都叫了個壽司拼盤七貫配迷你烏冬, 大家share來食. 首先是這壽司拼盤七貫上枱, 配有青瓜蟹柳及蟹籽沙律, 面豉湯, 漬物及細碗烏冬, 好豐富呀! 壽司拼盤有包括三文魚, 牡丹蝦, 帶子, 吞拿魚, 池魚, 仲有北寄貝等等的壽司, 我夾了個最愛的三文魚壽司來食, 點一點豉油再加上少少Wasabi, 三文魚好肥美, 好香, 壽司飯團酸酸甜甜, 凍凍地, 好開胃, 三文魚食完個口腔內仲有甘香, 好味道! 一件三文魚壽司已將我成個人的胃口吊起, 我好期待我嗰個燒牛脷套餐.燒牛脷套餐終於來到我面前, 原來成個餐都有好多款燒物, 有牛脷一串, 豬肉一串, 雞翼一串, 仲有秋葵一串, 脆肉瓜一串, 仲有五粒燒日本番薯仔, 哇! 超豐富,個餐都有飯及湯, 有沙律及漬物, 首先我當然是食那頂級燒牛脷啦, 切厚片的牛脷燒到兩邊金黃, 入口脆脆的, 但咬落牛脷裡面又好鬆化, 好香口, 好好食, 咀嚼時簡直成個口腔都是牛脷的肉香, 認真好食! 燒秋葵都好好食,

晏晝約咗個朋友食lunch , 大家都想食日本野，但係有少少趕時間，你左呢一間食當飯嘅餐廳都係唔錯嘅選擇！一人一個飯，簡簡單單，食完就行得，但係上面嘅配料又咁正，一啲都唔虧待自己！。四色吞拿魚刺身丼飯好開心呀，一次過滿足晒四個願望！美味的吞拿魚一次過以四種形式在同一個丼飯之中以供享用！拖羅的肥美令人難以抗拒！吞拿魚茸都好細滑。松葉蟹丼松葉蟹肉排山倒海盛滿在呢個丼飯之上，睇見都口水流，加埋蛋漿一齊食，更加濃郁

天氣咁熱，都係食魚生飯穩陣！上網見到呢一間新開，食評又不錯，最緊要係有我最鍾意嘅玉子！香蔥玉子好多汁好滑！蛋味濃郁，上湯好吃，整個玉子又香又甜，而且仲好厚！每一口都有上湯好juicy!!香葱令玉子更香！一層一層好好吃！叫左灸燒帶子海膽魚子飯帶子好厚，有焦香又夠甜，魚子大粒又彈牙，海膽分量都好多！好大碗好鮮味！套餐中包括沙律，前菜和麵豉湯，粟米超甜，蔬菜亦都好新鮮！甜品仲有忌廉泡芙，我沒吃，朋友說不錯，不太甜！原來仲有燒物，下次試下！

今日中午去尖沙咀行街，最近心情勁好因為就快去旅行！行行下見到有間餐廳主打日本菜，就上去食個午餐！最鐘意日式午餐，因為每樣食物都份量小小而且好精緻，單單賣相已經好靚好吸引！我叫左一個午市套餐定食，壽司七件配迷你烏冬。壽司份量都算大件，分別有三文魚、北寄貝、帶子、赤身、牡丹蝦、油甘魚和海膽，飯粒煙韌有咬口，粒粒都有咬口，微微醋香，魚生好新鮮！我最愛海膽和牡丹蝦，因為夠哂香甜爽口！迷你烏冬，湯底好清甜，烏冬煮得岩岩好，掛湯力高，保持咬口！好鐘意定食配麵豉湯、前菜、沙律、漬物和甜品，食哂好飽肚架！甜品是泡芺，我最鐘意！下次帶朋友上黎再試下其他野食先！