Video
Read full review
2018-11-20
2778 views
預先訂座食飯，一黎到門口的小姐笑容滿面，其他員工亦有笑容有禮貌。每一道菜食之前，工作人員都會講解下製作特色同埋食法。我地坐係一間小房，小房總共有2張4人枱，我地就係其中一張。因為其實每人最低消費要1000$，所以就算可以散叫食物都好，我地都係預先選擇一個套餐，每人888$，之後加啲飲品茶水都已經絕對夠每人1000有凸。不過我覺得飲品頗貴，如果飲茶一位收48$我都覺得唔過份，只要你用靚的茶葉。但一杯果汁甚至礦泉水都要幾十蚊，就好似唔太化算。講番食物，頭盤係共有4款食物的，叉燒好食！本地豬，燒得焦香，肥瘦適中，仲專登切到有薄有厚，好有心思。蚵仔卷我覺得就成舊炸得較硬，唔係好食到蚵仔的感覺，一般。鮑魚看似簡單，原來話足足用左幾日，好多浸酒處理過，食落的確濃濃酒香，唔錯，看似簡單實則味道豐富，功夫十足。最後綠白爽，即係海蜇？爽口幾過癮，味道正常，平時少食呢類食物，普普通通咁嚕覺得。之後有道鹽焗香茅海中蝦，隻隻蝦都夠大隻夠新鮮。鹽焗鹹香好夠味，最驚喜係每隻蝦插住的唔係竹簽，而係大大條香茅，所以除左普通鹽焗味外，仲多左陣香茅味，幾特別！之後到呢味其貌不揚的「橙皮甜醬炆五花腩」。個樣就只係一煲五花楠
我地坐係一間小房，小房總共有2張4人枱，我地就係其中一張。
因為其實每人最低消費要1000$，所以就算可以散叫食物都好，我地都係預先選擇一個套餐，每人888$，之後加啲飲品茶水都已經絕對夠每人1000有凸。
不過我覺得飲品頗貴，如果飲茶一位收48$我都覺得唔過份，只要你用靚的茶葉。但一杯果汁甚至礦泉水都要幾十蚊，就好似唔太化算。
講番食物，頭盤係共有4款食物的，叉燒好食！本地豬，燒得焦香，肥瘦適中，仲專登切到有薄有厚，好有心思。
蚵仔卷我覺得就成舊炸得較硬，唔係好食到蚵仔的感覺，一般。
鮑魚看似簡單，原來話足足用左幾日，好多浸酒處理過，食落的確濃濃酒香，唔錯，看似簡單實則味道豐富，功夫十足。
最後綠白爽，即係海蜇？爽口幾過癮，味道正常，平時少食呢類食物，普普通通咁嚕覺得。
之後有道鹽焗香茅海中蝦，隻隻蝦都夠大隻夠新鮮。鹽焗鹹香好夠味，最驚喜係每隻蝦插住的唔係竹簽，而係大大條香茅，所以除左普通鹽焗味外，仲多左陣香茅味，幾特別！
之後到呢味其貌不揚的「橙皮甜醬炆五花腩」。
個樣就只係一煲五花楠，但食落原來橙皮同五花楠都好夾，令到原本好肥膩的腩肉變得易入口，清晒成煲五花腩！
荷葉盤龍鱔
有淡淡荷葉香，而鱔肉好彈牙，好有口感，因為我本身麻麻地鍾意鱔，所以只食兩舊試下，但鍾意食既人應該會好喜歡。
阿爺乞衣雞
正！上菜時會原個泥封的上黎，比你扑下佢，好過癮。當然，只係象徵式，之後都會交番比師傅斬件上枱。
原隻本地嘉美雞，新鮮本地雞肉質彈牙，雞味香濃不在話下，而呢個乞衣雞的泥聽解說係酒泥，令雞肉都入左一啲酒香，味道更加豐富多層次。
食到中後段，鼎爺番左黎，我地有幸同佢合照，佢都問下大家對食物的意見，整體而言食得好味！過程愉快！不過要1000$位實在有點貴，我等普通人家只能嘗鮮心態試一次半次了！
182 views
0 likes
0 comments
Post
