韓食 (Closed)

如餐廳名字、亦如標題。基本上係外賣店，不過門口放咗２張摺枱畀人用餐。叫咗５件炸雞同辣炒年糕，好食。辣炒年糕開初食都唔辣，然後越食越辣，食到一頭汗。我都分唔清係年糕太熱定係太辣。其實我好鐘意坐路邊食嘢，但係哩間店喺正大馬路，勁多車，又人來人往。啲路人不斷經過又望住我食嘢好怪。其實放枱喺行人路，佢遲早被人投訴。講返食物，炸雞唔會太乾，又大大件，唔辣，甜甜地，好食又扺食。年糕軟硬適中，味道遍淡，跟一隻烚蛋，不過都幾辣。我食咗２０分鐘，都有２個網上外賣平台 嚟拎外賣。如果唔想坐街邊食，最好叫外賣。