韓食 (Closed)

打去叫咗個辛辣麵 + 紫菜包飯，去到拎先發現阿姐煮咗牛肉芝士麵比我⋯（其實都知要佢整過啱嘅麵比我咁本身煮好嘅佢會掉，有衣食所以算數啦⋯）因為唔食芝士，就問阿姐芝士應該唔大塊架呵？可唔可以自己挑走佢⋯阿姐答我唔大塊嘅⋯辛辣麵餐係 $30 而牛肉芝士麵餐係 $35，阿姐自己出錯竟然想收我 $35 囉⋯反到去發現係個麵有芝士味，而唔係阿姐放片芝士落去⋯（對於唔食芝士嘅人嚟講，其實無乜分別⋯都係一陣令人難受嘅芝士味⋯）食過咁多次，真係每況愈下囉⋯望到舖頭貼住「頂讓」，我諗都係時候架啦⋯

今日下午我們喺太子附近做完嘢之後，行過砵蘭街見到有間叫「韓食」嘅韓式小食店，所以我們就去買嚟食！雖然「就咁睇」舖面唔算係好大間，但食物嘅款式種類選擇都幾多！同埋當時亦都有幾多人客排隊買嚟食！而我們就買咗辣炒年糕，年糕嘅質感非常煙韌彈牙，就算放凍咗先食都係咁彈牙，除咗年糕之外，仲有幾件魚糕、相當入味嘅泡菜、紅蘿蔔、鷄蛋等等等等⋯⋯味道超香辣惹味，令人有想種食完想再食嘅感覺，真係超正呀！係本人嘅必食推介！

一肚氣！！！下不為例！各位請注意！點左大炸魷魚鬚同泡菜腩肉飯先不講味道如何但此店的份量真的非常少回到家見到咁，本打算食完就算 但....打開盒飯...眼見肉又細塊，且泡菜味有好重的雪藏味重點個菜叫泡菜炒腩肉為何係泡菜湯浸幾塊小腩肉呢？大炸魷鬚亦只有十幾條左右，索價收$48？炸粉又多，份量得半兜甜辣醬只有甜味於是我就致電查詢女店主稱泡菜腩肉飯內已放「7」塊腩肉女店主稱此為非常正常份量更掛斷電話就了事味道不佳就算態度都不佳請問如何再惠顧？如各位不相信可以到呢間店試下但保證食完一次，必定不會再惠顧！

今次阿SIR帶我嚟掃街，話說佢上個禮拜食完之後，大讚好味又抵食，有好嘢食我又唔會介意坐街既，點知去到原來鋪出面已經無再放摺枱，現只做外賣，但既然一場嚟到，最多外賣去隔離公園食囉。。。蜂蜜芥末炸鷄(小) $26 呢個我好推介，炸鶪唔會出現厚漿，鷄又熱又滑，味道甜得嚟帶點芥末既辣，而且有成７件雞咁多喎宮廷紫菜包飯 $28 雖然配料普通，但飯既口感好好，唔會過腍過硬，而且紫菜又唔會靭，有兩大條，好抵食芝士蛋卷 $40 呢個我有少少微言，因為價錢相對地偏貴，所以要求高返少少，就係蛋唔夠滑，同埋芝士唔夠多同濃，但好在夠熱辣辣彌補返dd不足韓國冷麵 $35 近期我大愛韓國冷麵，因為鍾意麵好滑溜同加有醋汁，但呢度不足之處係麵唔夠凍同滑，但一碗份量就非常多，秘汁同泡菜同樣香濃開胃，各有各吸引之處後記：小店以街坊價做出有水準食物，雖然只做外賣，但我都真心推介！兩人共消費 $129

肚餓的話其實唔係難諗食咩因為乜都好想食但唔太餓又好口痕就真係難諗又要好食又唔要普通食串魚旦燒賣又要食light啲又唔想貴因為唔肚餓但又貴食真係唔抵架嘛真係好煩。自己都覺得自己煩今次揾到呢間「韓食」真係一次過滿足晒你幾個願望（冇影到menu）1。蜜糖芥末味炸雞搥口痕想食炸雞，好開心佢呢度啲炸雞唔大隻，幾啖就食完唔會滯原本佢有幾種味，我地決定問番店既人求推好nice的miss店員介紹番又真係幾好味！甜甜地又夠肉又juicy. $25/4隻搥，岩晒唔太肚餓既人。下次可以叫幾款再試！2。宮廷紫菜包飯呢個就有少許失望既，唔係難食。只係啲飯有點削，佢仲有個source配番，希望佢下次會冇咁削3。水冷麵其實真係唔肚餓。不過都叫左個水冷麵好鍾意食水冷麵，呢個比出面仲多左泡菜同紫菜，啲蘿蔔好爽有口感要讚下miss店員（定老闆娘卦），佢真係好nice, 好有禮貌，仲要唔駛提都會自動幫客人追未黎既柯打，呢啲小店真係要支持下。

原本黎呢頭係去食好出名既涼面同雲吞, 點知去到賣哂行返轉頭就發現呢間一樣有雲吞, 個賣相仲非常相似呢到係有得坐低食, 不過係坐街邊先要左個雲吞, 順便加一客炸魷魚鬚, 加甜酸醬, $25, 好香脆, 估唔到都幾好食試左炸魷魚鬚質素OK, 就不妨試多款, 再加多客芝士玉子玉子係新鮮即製,  外層唧上茄汁咬落去入面幾熱, 入面芝士份量幾多最後黎既雲吞, 要左少少辣, 加上莞茜香蔥每隻雲吞雖然細粒, 但裡面既肉涵無偷工減料, 幾飽滿, 整體味道OK好可惜, 當晚我們2人回家都肚痾了要同一時間一起肚瀉, 真係好巧合, 唔肯定同食既野有無關係

太好喇，又揾到平野食。喺香港食韓國野多數都係偏貴，一來要捱貴租，二來就係唔知點解就係貴好多，明明好多都係普通野。揾到韓食都係因為新假期，想去太子揾平野食，睇下食評，見到評價唔錯，所以六點幾放左工就黎試下。舖頭細細間，客人人流唔算好多。有櫈俾人坐底食。炸雞看落受歡迎，見坐底還是外賣嘅都會點炸雞。可惜今晚自己一個人食，如果同朋友黎就一定試炸雞、玉子燒同年糕。我叫左辣拌冷麵。因為舖頭做外賣生意嘅關係，野食都係用即棄餐具。其實我係堂食，或者因為想望落去乾淨啲，老闆都會用蓋蓋實。份量適中，都偏多，我因為唔鍾意食泡菜嘅關係，所以覺得好咸。如果冇泡菜嘅，係非常好味，唔會太辣，多返啲青瓜絲就最正！好驚喜呀，韓食真係冇介紹錯！下次一定要試佢嘅炸雞、玉子燒同年糕！

好味！價格合理，雞搥大大舊，醬汁味道不錯，又無骨！方便我哩個懶人⋯下次必定會帶朋友再去試其他款式！好想試魷魚鬚，如果飲品又韓國啤酒更好！一邊食炸雞一邊飲啤酒正呀！

太子都好大，平時唔會過呢邊，今次經開順便搵野食店子小，外面有2-3張檯香葱雞翼：黎到個樣麻麻，但竟然幾好食！雞翼入味喎！海鮮煎餅：個樣正正常常，唔知係咪肚餓，覺得都ok喎蜂蜜芥末炸魷魚鬚： 炸粉唔太厚，個醬又幾好芝士拉麵：係寒冬中街邊食野，凍到震下震下，好在有碗芝士麵，雖然只係煮即食麵，但已自我感覺良好，哈

炸酱面不好吃。酱不是甜的需要的私信我哦不如那款方便面的一包8块多的。觉得酱不好吃 鸡中翅很好吃鱿鱼酥也不错 但是25块钱一份 算是很平价了 很不错的下次还会试试看其他的东西

如餐廳名字、亦如標題。基本上係外賣店，不過門口放咗２張摺枱畀人用餐。叫咗５件炸雞同辣炒年糕，好食。辣炒年糕開初食都唔辣，然後越食越辣，食到一頭汗。我都分唔清係年糕太熱定係太辣。其實我好鐘意坐路邊食嘢，但係哩間店喺正大馬路，勁多車，又人來人往。啲路人不斷經過又望住我食嘢好怪。其實放枱喺行人路，佢遲早被人投訴。講返食物，炸雞唔會太乾，又大大件，唔辣，甜甜地，好食又扺食。年糕軟硬適中，味道遍淡，跟一隻烚蛋，不過都幾辣。我食咗２０分鐘，都有２個網上外賣平台 嚟拎外賣。如果唔想坐街邊食，最好叫外賣。

之前食過一次, 覺得唔錯, 於是又再幫襯.但原來加咗價, 一加都幾多...今次試咗, 賣相吸引.佢先放碎冰係最底, 然後擺面, 最上面有紫菜+泡菜+蛋.E個面要擺一陣, 等冰溶咗先食, 如果唔係會成口冰, 口感奇怪.至於味道就一般, 湯和面都冇味, 唔會再食.另外要咗, 套餐送飲品.味道唔錯, 唔會太辣, 有微微的甜味, 叫人食上癮.腩肉唔多, 非常薄, 肉質淋, 易咬.泡菜佔咗三分二, 酸辣適中, 令人開胃, 好餸飯!當然唔少得, 之前食過, 今次加碼要8隻.keep到水準, 外面雞皮脆, 入面雞肉軟, 仲有肉汁.甜辣汁係加分之處, 會愈食愈辣, 好過癮!

和小福子分別上完堂一聚，夜麻麻又陪小福子儲肥膏呢間韓式小食店我真心大推，性價比好高呀!不過好彩昨晚唔大風，否則北風起，坐係街真係食龍肉都無味蜜糖芥末炸雞，個味較得一絕，而且外脆內軟，無話炸到入面乾晒~芝士蛋卷，大大份，最入面的蛋仲有少少未凝固晒，勁滑!而且用的芝士可拉絲之餘，芝士味好重。我最驚係齋拉絲，但無乜芝士味，好彩佢兩者兼具~其實個海鮮煎餅都正嫁，我唔食辣，第一塊俾唔顯眼的紅辣椒呃左，但小心d剝了紅辣椒都勁正~

旺角街道跟港島區街道一樣，都有很多條長度橫跨多區的大型道路，例如九龍交通樞紐「彌敦道」、「太子道」、「窩打老道」，甚至有名的「砵蘭街」都是這樣，由以往的紅燈區，到現在朗豪坊變成旺角重要的地標。但更重要的是，從旺角「砵蘭街」向北往太子進發，砵蘭街中途更會被其他建築物所阻礙，因而被迫繞道北上，前行直到太子近深水埗為止，沿途一帶的景象更是在旺角未曾見過的寧靜。位於砵蘭街太子方向盡頭，有間很地道的街頭韓式小食店「韓食」，有很多地道韓式小食和飲品提供。其實在兩三個月前，我早已經有想過幫襯試食過，可惜我第一次去的時候，不幸遇上店舖當日休息，當時我惟有作罷，直到最近再來拜訪一次，才有幸光顧試食「韓食」。其實街頭韓式小食店，在香港到處都有，單是在旺角花園街那檔，已經開到成行成市，人頭涌涌，想仔細認真試食一次都不容易。反而來到太子，少了嘈雜的聲音，感覺忽然悠閒了不少。「韓食」店內有位女店員負責看店，很有禮貌的女店員，還有問必答。另外還有另一位師傅，在店舖廚房入面煮食物。店外放了一張檯跟兩張櫈，還有幾張未打開的摺檯，只等其他食客湧至，有需要時才打開使用。「韓食」的韓式炸雞，相對其他韓式小食食店，最大的優點

韓風大熱, 隨街總有一間韓式餐廳係附近.今次試下e間小食店, 佢地只做外賣.款式唔多, 全部都係基本韓國必有菜式.lunch會有set供應, 好似幾抵食.叫咗, 外表幾吸引.夾開見到疑似爆漿, 少少芝士絲.但食落比較乾, 唔juicy, 做唔到外軟內滑.而且冇咩蛋味芝士味, 要靠上面的茄汁補救.另外叫咗, 好似高級咗.味道正常, 冇特別.當然唔少得靈魂[炸雞], 揀咗甜辣味.雞槌有4件, 炸粉唔厚, 啖啖肉.醬汁的調配岩岩好, 唔會太甜或太辣, 好味.雖然出面有醬汁, 但皮仲係脆, 入面有肉汁.整體黎講, 炸雞可再試, 下次食其他味.