Video
Read full review
2018-12-08
1167 views
係一間好到值得寫食評嘅小店。上午睇新聞睇到有好嘢食晚上八點即嚟報到，見到門口排滿人，已經感覺店舖口碑一定好好。店員定老闆門好落力寫單，傳菜，執枱，等咗一陣先有姐姐出嚟派號碼發。大約等咗20分鐘先入座。期間姐姐都出過嚟2次問等待中嘅食客會唔會叫蒸餸，叫定做定唔駛等。我第一次嚟其實好多嘢都想試，但見無人叫蒸餸，加上自己又並非食到大笨象嘅心情，都拎拎頭等到入座先叫其他。價格親民，令人更想乜都試下。是日例湯皇 $20黑蚊蚊嘅係老火湯，只係記得有龜板，土伏苓同藥材，細啖飲好清，大啖就好甘，正正係用料足火候夠嘅體現，哩個例湯係我飲過最高層次嘅例湯。👍👍金牌碗仔翅$22跟住出場係相對好”掃街”類嘅碗仔翅，神奇事情係入面嘅雞絲真係好有雞味，而湯嘅”結身”程度少不免會想起係生粉水，但佢係特別滑身，仿佛係湯羹一倒入口就自湯滑落食道中，味道當然好和諧。花鵰醉雞(例牌) $35哩個價錢竟然食到軟，香，醉，甜，仲有8，9件正常雞件量，部份嘅皮肉間仲有薄薄啫喱油脂，如果一個人嚟，一份雞，一碗飯，好美滿。鹵水豬手 $8/件入咪而唔會太濃，咬落去係滿口骨膠原，唯一挑剔係手指罅中間有毛，要咬掉浪費咗蠔汁鴨掌 $6/隻汁
上午睇新聞睇到有好嘢食
晚上八點即嚟報到，見到門口排滿人，已經感覺店舖口碑一定好好。
店員定老闆門好落力寫單，傳菜，執枱，等咗一陣先有姐姐出嚟派號碼發。
大約等咗20分鐘先入座。
期間姐姐都出過嚟2次問等待中嘅食客會唔會叫蒸餸，叫定做定唔駛等。
我第一次嚟其實好多嘢都想試，但見無人叫蒸餸，加上自己又並非食到大笨象嘅心情，都拎拎頭等到入座先叫其他。
價格親民，令人更想乜都試下。
是日例湯皇 $20
黑蚊蚊嘅係老火湯，只係記得有龜板，土伏苓同藥材，細啖飲好清，大啖就好甘，正正係用料足火候夠嘅體現，哩個例湯係我飲過最高層次嘅例湯。
👍👍
金牌碗仔翅$22
跟住出場係相對好”掃街”類嘅碗仔翅，神奇事情係入面嘅雞絲真係好有雞味，而湯嘅”結身”程度少不免會想起係生粉水，但佢係特別滑身，仿佛係湯羹一倒入口就自湯滑落食道中，味道當然好和諧。
花鵰醉雞(例牌) $35
哩個價錢竟然食到軟，香，醉，甜，仲有8，9件正常雞件量，部份嘅皮肉間仲有薄薄啫喱油脂，如果一個人嚟，一份雞，一碗飯，好美滿。
鹵水豬手 $8/件
入咪而唔會太濃，咬落去係滿口骨膠原，唯一挑剔係手指罅中間有毛，要咬掉浪費咗
蠔汁鴨掌 $6/隻
汁比鹵水甜少少，但慢慢吮反而仲答真個味，最後係微辣，鹹甜味>鴨味>辣味，咁又層次嘅蠔汁，成個菜牌就只係見到係哩味鴨掌出現，媽呀～佢點賺錢呀！
滷水豬蹄 $15
店姐姐介紹我哋食，叫果陣仲以為係豬手類，原來係 無骨豬蹄肉，又淋又入味仲唔肥膩，食到停唔到
蝦子豬皮蘿蔔 $22
清清地嘅間場，一放上枱已經聞到好香蝦子味，蘿蔔清甜唔算好淋，但勝在無渣
韮菜豬腸豬紅 $22
又一道大師級水準嘅平民”掃街”菜，豬紅除咗有本身味到仲多一陣湯底而來嘅清甜，豬腸更係有豬味無臭味，仲舊舊都切得好公整，將內臟類肉食層次再提升。
鹵水蛋 $6
男朋友要求點嘅餸，我咬咗一細口，好有蛋味引襯出鹵水味。
總括講，食物超乎所想，超乎所值，希望好快再嚟
Post
