上樓 (Closed)

呢間係稻香集團旗下既食店，岩岩開張(10月中)時去過一次，前幾日再同同事去食。噫，進步左喎！第一次去食時，係同屋企人去。我阿哥係咁話d野食普通，無咩特色。第一次時，我地叫左雲吞雞、小籠包、雞絲粉皮......其他唔記得了。但的而且確，果次食完，真係無咩印象。第二次去，場面已經完全唔同了，好多好多人等位呀~ 我同同事二人，坐左係舒適的卡位。上樓有好多細檯，相信佢地想做年青人市場，座位設計非常適合三五知己~今次叫左四樣野(兩個人叫四樣野?) 係呀，果度既出品都比較細碟，都話左佢地係target年青人三五知己架啦，哈哈！(1) 醉雞；(2) 皮蛋豆腐；(<--- 推介)(3) 生煎包；(<---超級推介)(4) 煎八寶飯。真係唔係講笑，樣樣都好好食喎，我同我位女同事都覺得好好食。皮蛋豆腐的豆腐片片都薄薄地，好滑，加上個汁好開胃，好岩女仕食。另外，生煎包簡直係極品！我呢個為食妹之前最中意係食阿拉麵館既生煎包，不過而家改變主意，都係上樓最好食！佢地既生煎包上面好軟屬，個底又脆又香口，可以兼顧到兩者，堪稱極品！可惜的是服務員產品知識不足，有d問題唔識答。收費係一貫的三免，食品價格比