紹華小廚

Open Now

Now Closed

Instagram 見到有food KOL 介紹呢間平民飯店，出名嘅係煲仔飯及小菜。個地址附近有得泊車，非常好，但個門口有啲難搵，泊完車兜咗少少路先搵到。我喺平日放工後7點嚟試，唔係太多人，座位任坐，老闆親切，介紹有咩煲仔飯，食佢傳統及新款，叫咗各樣一款，覺得佢真係比出面其他店嘅好，原因佢哋啲飯一啲都唔會油淋淋！飯焦仲好香！價錢超值。蝦醬肉眼筋煲仔飯，超鍾意！佢啲蝦醬唔咸，味道岩岩好，我要求少豉油，所以色水淺色啲，但佢本身味道好夠，我鍾意佢啲肉好彈牙，蝦醬味唔太濃及咸，飯焦亦好香。好特別，豬膶黃鱔煲仔飯，加膶腸，好食，啲味好入到啲飯，豬膶好香，如果下次再食，我會想加隻蛋，或加啲蔥，會更香。金銀蛋煮白菜，清清地幾好。