銀座蔵人 (Closed)

今日Star Chamber嚟呢度開lunch meeting，講吓人事問題。人事問題無乜大結論，但係又可以聽到阿sir發表偉論，真係身心舒暢。講返嘢食。我叫咗個銀鱈魚燒，件頭雖然細，但係真係幾好食，比大亞味工房或者SAE鱈魚燒都好。啲魚有肉汁，啲汁甜得嚟又無蓋住魚鮮味，加上層次分明，口感十足。我都幾鐘意啲芽菜，但係又係少咗啲，同埋同韓國鋪嗰啲又差少少。而啲飯、漬菜、湯同雪糕就比較一般。重有，啲雪糕叫咗好耐都未嚟。臨走阿sir又講咗幾個笑話，真係笑死人。