越色牛肉粉餐廳 (Closed)

樓上鋪, 環境好大, 一坐低waiter就送左杯水來, 不過水就有D油膱味。都算有幾多野食揀, 自己一個人就叫左份阿媽炒飯同燒牛肉米紙, 等左大約15分鐘就送到, 賣相都幾好。阿媽炒飯: Menu話係有紮肉係入面, 不過就見唔到, 海鮮都幾多下, 蝦都有成5-6隻, D飯炒得夠乾身, 唔多油, 入口好香, 少少辣, 食完唔會滯, 係一個好有水準既炒飯。燒牛肉米紙: 好清新的一道菜, 包得好實, 食個時唔易散, 一食就好有蔬菜既香味加埋散出牛肉味, 食到底就完全食到燒牛肉, 燒得唔會太乾, 保留左肉汁, 或者倒轉由底開始食都可以, 先食牛再食菜, 又係另一番風味。我係夜晚上去, 唔使等位, 不過午餐就好似幾爆, 價格又合理, 可以慢慢試哂佢個Menu都得。