Video
Read full review
2020-11-18
108 views
Tamago-EN特製 5款玉子串燒 $68日文餐廳名難讀 所以我叫佢嘅英文名Tamago用得餐廳命名嘅選擇通常都有返咁上下水平 呢份玉子目測好多枱都有叫 我都唔執輸叫返客實物同menu圖示一樣咁精緻 相當吸睛 5款口味分別係蕃茄仔、海藻醬、親子三文魚、鱈魚子沙律、蟹肉 材料放喺竹籤穿起嘅方形玉子表面嘅正中央玉子最怕煮得老 試左啖覺得處理得唔錯 而且相當有蛋味 沖澠蛋加持似乎真係係唔同啲 你會見menu上嘅推介icon都係隻蛋蛋 可以睇得出餐廳對自己用嘅沖澠蛋相當自信玉子有口感有蛋味 啲料都幾啱我好味 最鍾意鱈魚子沙律 而三文魚就由友人代勞 竹籤記得要慢慢拎起 避免材料跌落 個人鍾意蛋連料一齊食呢份小食唔算小 可以當得上係招牌菜 必食之選Tamago-EN親子丼 $78又一份以餐廳名命名嘅選擇 今次係主食餐牌圖示幾吸引 望落汁多質 用日本米 可以加錢轉set 我就留肚試其他所以無轉到碗飯上枱 賣相無餐牌咁靚 好在味道搭救 望落偏乾其實親子丼嘅汁入哂飯度 好食同易入口 滑蛋同雞肉都咁嫩口 整體嚟講係一碗唔錯嘅親子丼跟飯仲有隻匙羮裝起嘅柚子醬 味道係唔錯 不過份量太小 如果只係想少少地加一
Tamago-EN特製 5款玉子串燒 $68日文餐廳名難讀 所以我叫佢嘅英文名Tamago
用得餐廳命名嘅選擇通常都有返咁上下水平 呢份玉子目測好多枱都有叫 我都唔執輸叫返客
實物同menu圖示一樣咁精緻 相當吸睛 5款口味分別係蕃茄仔、海藻醬、親子三文魚、鱈魚子沙律、蟹肉 材料放喺竹籤穿起嘅方形玉子表面嘅正中央
玉子最怕煮得老 試左啖覺得處理得唔錯 而且相當有蛋味 沖澠蛋加持似乎真係係唔同啲 你會見menu上嘅推介icon都係隻蛋蛋 可以睇得出餐廳對自己用嘅沖澠蛋相當自信
玉子有口感有蛋味 啲料都幾啱我好味 最鍾意鱈魚子沙律 而三文魚就由友人代勞 竹籤記得要慢慢拎起 避免材料跌落 個人鍾意蛋連料一齊食
呢份小食唔算小 可以當得上係招牌菜 必食之選
Tamago-EN親子丼 $78
又一份以餐廳名命名嘅選擇 今次係主食
餐牌圖示幾吸引 望落汁多質 用日本米 可以加錢轉set 我就留肚試其他所以無轉
到碗飯上枱 賣相無餐牌咁靚 好在味道搭救 望落偏乾其實親子丼嘅汁入哂飯度 好食同易入口 滑蛋同雞肉都咁嫩口 整體嚟講係一碗唔錯嘅親子丼
跟飯仲有隻匙羮裝起嘅柚子醬 味道係唔錯 不過份量太小 如果只係想少少地加一份口味 好似放喺丼面嘅中間好啲
士多啤梨梳乎厘班戟 $98
第二次食呢度嘅pancake 翻兜得自然代表有返咁上下質素
自從幾年前發現左梳乎厘班戟呢種product就愛上左 周圍搵高質pancake 差唔多食遍港九名店 連去日本台灣旅行都特登去當地出名嘅專門店搵
呢間嘅pancake唔算好空氣感果種 但充滿蛋味 個人覺得pancake本身拍得住一啲專門店 唔通用日本蛋(呢間係沖澠) 真係有加乘
士多啤梨中規中矩 無特別高質 不過切片處理係比起原粒上易入口左 cream落得幾重手 三件pancake食完 我都差唔多清哂啲cream 蜜糖就無落太多 因為已經夠味唔使加甜
生果系嘅pancake一舊水左右 原味就近$80 喺同類產品中其實一啲都唔貴 性價比高 值得試下
士多啤梨鮮果~自家製芭菲 $55
相對少係餐廳食芭菲杯類甜品 咁啱果刻想食就叫左
同pancake一樣 都係揀左我最鍾意嘅士多啤梨 賣相色系都係選擇當中最少女心
口味上因為鍾意士多啤梨所以唔會有錯 另外食落唔會太甜太漏 作為飯後甜品淺嘗都幾適合
同樣地 menu都有蛋蛋推介icon 可以一試 雖則如果甜品只能二揀一 我一定要梳乎厘pancake
Post
