肉料理 廣

Open Now

Now Closed

好耐都未試過出去食飯仲要6:30之後有得堂食，今日一定要把握機會去試吓呢種感覺，今次就去試吓位於銅鑼灣嘅燒牛肉店，地理位置10分方便地鐵站一出行6分鐘就到達佢係喺一棟商業大廈入邊嘅，舖頭嘅空間感都好大。今次安排坐房仔入邊感覺好私隱，之後開始點C餐精選，前菜有個牛肉他他，一個前菜來講非常開胃酸酸甜甜而且生牛肉嘅味道係咁好食簡直令我大開眼界，另外仲有一個餐前沙律都好正配上酸甜醬又係好開胃，飲品方面我點左巨峰梳打，非常特別酸酸甜甜又係，就重點燒牛肉，一共有八個部位每一個部位有兩片，都係A5和牛而且脂肪比例好均勻，店員建議我哋先食肥瘦肥瘦嘅次序來食咁就食到和牛嘅鮮味，而且燒嘅時候大概每面燒20秒到咁就啱啱好加上秘製醬汁揀簡直冇得彈，呢個餐亦都配有珍珠米係我最鍾意食嘅飯所以牛肉配飯真係冇得輸，連我自己最鍾意食嘅部位就係牛嘅和尚頭，因為佢嘅精華所在全部都係嗰度，而且呢度嘅服務質素都好好店員會不停為你添加水而且會為你講解牛肉嘅部位，下次一定會嚟食