雲香園小鍋米線

Open Now

Now Closed

今日約咗朋友收工後食飯，突然間好想食米線，朋友就介紹嚟呢間家族打理嘅米線店，話超級抵食，價錢平之餘份量仲要好大。牛腩小鍋米線要左少少麻酸辣加配墨魚丸，腐竹，燕皮肉餃同芥蘭。呢碗米線我覺得真係好出色，米線嘅口感好Q彈，湯底亦都好入味後來店員解釋話係佢哋特登引入廣西原產地嘅米線，所以米香特別濃，如果湯底就係每日用上6小時去熬製，難怪咁好味！另外有一樣嘢我特別欣賞嘅，就係雲香園嘅所有嘢都係比較清淡，感覺健康啲，但係當然喜歡較重口味嘅朋友可以點餐時另外要求啦！然後要埋個淨雲吞，要左酸湯加台灣腸，當然冇忘記點個招牌涼拌墨魚頭，呢個超級好食，夠辣夠爽口，醬汁好多蒜，加埋酸汁超開胃。飲品就要左凍菊花蜜同凍檸菜蜜。