Video
Read full review
2024-08-23
3091 views
又黎到元朗搵好野食嗱！今次食呢間韓國餐廳，區內少見，仲要係韓國人主理。入到黎見座位好闊落，見牆上既霓虹燈佈置，啱哂大班朋友夜晚黎邊燒邊飲燒酒。不過今次係中午咁啱經開，試下 lunch set 先，ok 既再夜晚黎 encore。上主菜前每人都有三款前菜，包括泡菜、沙律醬既蟹柳通心粉同小魚乾：泡菜唔太辣，感覺似係自己手工做既，比較新鮮，唔同平時買返埋黎果種腌到梅哂咁；份小沙律都幾好味，而小魚乾會相對咸啲，啱食飯/飲湯撈埋一齊食。泡菜炒飯泡菜炒飯唔太辣，用左珍珠米黎炒。除咗泡菜之外仲加左午餐肉一齊炒，上面再鋪隻半流心既煎蛋同紫菜碎，感覺好似去左韓國咁。鮑魚石鍋雜錦飯鮑魚拌飯有勁多餸料，有泡菜、芽菜、節瓜、甘筍絲、香菇同菠菜，感覺好健康🧡鮑魚係切左條咁上既，都幾肥美同煮得幾彈牙。上菜時老闆娘都俾左麻油同辣椒醬俾我加落個拌飯到，之後佢見我加得太少，忍唔住出手幫我拌飯😆仲話唔辣家，加多啲先好味，咁又真係多啲係好味啲既👍🏻另外仲加點左個泡菜魷魚，好味又彈牙。Lunch set 佢有送野飲，都係揀左韓國既罐裝梨汁同汽水飲。so far 都幾好食同店員感覺好親切，下次試下夜晚黎食燒肉先👍🏻
入到黎見座位好闊落，見牆上既霓虹燈佈置，啱哂大班朋友夜晚黎邊燒邊飲燒酒。
不過今次係中午咁啱經開，試下 lunch set 先，ok 既再夜晚黎 encore。
上主菜前每人都有三款前菜，包括泡菜、沙律醬既蟹柳通心粉同小魚乾：泡菜唔太辣，感覺似係自己手工做既，比較新鮮，唔同平時買返埋黎果種腌到梅哂咁；份小沙律都幾好味，而小魚乾會相對咸啲，啱食飯/飲湯撈埋一齊食。
泡菜炒飯泡菜炒飯唔太辣，用左珍珠米黎炒。除咗泡菜之外仲加左午餐肉一齊炒，上面再鋪隻半流心既煎蛋同紫菜碎，感覺好似去左韓國咁。
鮑魚石鍋雜錦飯鮑魚拌飯有勁多餸料，有泡菜、芽菜、節瓜、甘筍絲、香菇同菠菜，感覺好健康🧡鮑魚係切左條咁上既，都幾肥美同煮得幾彈牙。上菜時老闆娘都俾左麻油同辣椒醬俾我加落個拌飯到，之後佢見我加得太少，忍唔住出手幫我拌飯😆仲話唔辣家，加多啲先好味，咁又真係多啲係好味啲既👍🏻
另外仲加點左個泡菜魷魚，好味又彈牙。
Lunch set 佢有送野飲，都係揀左韓國既罐裝梨汁同汽水飲。so far 都幾好食同店員感覺好親切，下次試下夜晚黎食燒肉先👍🏻
Post
